Aýa raıy
Astana 10 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Ana men balanyń ómirin qıǵan jol apaty: Aýrýhanada júrgizýshi kóz jumdy

2019 jyldyń 26 naýryz 2019 17:28

ALMATY. QazAqparat - Almatynyń Baýyrjan Momyshuly kóshesinde bolǵan jol-kólik apaty saldarynan kóz jumǵandar sany artty, dep habarlaıdy QazAqparat tilshisi.

Jol apaty keshe, 25 naýryz kúni bolǵan edi. «Toyota Land Cruiser Prado» men «Hyundai»-dyń soqtyǵysýynan ekinshi kólikte bolǵan 37 jastaǵy áıel men 3 jasar bala qaza boldy. Qos kóliktiń júrgizýshileri aýrýhanaǵa jetkizildi.

Búgin belgili bolǵandaı, 38 jastaǵy Hyundai júrgizýshisi jansaqtaý bóliminde kóz jumdy.

«1981 jyly týǵan jigit 11:30-da aýrýhanaǵa shok jaǵdaıynda jetkizilgen bolatyn. Basy jarylyp, bas súıegi men mıyna jaraqat alǵan. Ókpe dıafragmasy jyrtylǵan. Sonymen qatar, baýyry zaqymdanyp, ishke qan ketý tirkeldi. Patsıent birden otaǵa alyndy. Sonda da onyń ómirin arashalap qalý múmkin bolmady. Ol 26 naýryzda tańǵy 3:30-da kóz jumdy», - dedi №7 qalalyq aýrýhananyń baspasóz qyzmetinen.

Almaty qalalyq Polıtsııa departamentiniń baspasóz qyzmetinen habarlaǵandaı, QR QK 345-baby 4-bóligimen qylmystyq is qozǵaldy.

Polıtsııa qajetti saraptamalar taǵaıyndady.

«Toyota Land Cruiser Prado» júrgizýshisiniń jaǵdaıy týraly dárigerler áli túsinik bergen joq.

Avtor Gúlmıra Ǵosmanálı
Basty sózder: Almaty, Aımaq, Oqıǵa,
Joǵary qaraı