Aýa raıy
Astana 17 °S
Almaty 22 °S
valıýta baǵamy
USD 386.80
EUR 429.27
RUB 5.78
CNY 54.89

Altynshy qabattan sekirgen qyzdy mılıtsıonerler kilem kerip qutqaryp qaldy

2019 jyldyń 20 aqpan 2019 19:59 2133

BІShKEK. QazAqparat - Qyrǵyzstan Respýblıkasyndaǵy «Týngýchede» kópqabatty turǵyn úıdiń terezesinen sekirgen boıjetkendi mılıtsıonerler qutqaryp qaldy, dep habarlaıdy Kabar Qyrǵyzstannyń ІІM baspasóz qyzmetine silteme jasap.

Onyń deregi boıynsha, 20 aqpanda 14:20-da Bishkek qalasy Oktıabr aýdandyq ІІB-ge óz-ózine qol jumsaýǵa oqtalý týraly habar túsken. «Týngých» shaǵynaýdanynda belgisiz boıjetken altynshy qabattyń terezesinen sekirmek bolǵan. Oqıǵa ornyna Oktıabr aýdandyq ІІB qyzmetkerleri jedel jetti. Boıjetken altynshy qabattaǵy páterdiń terezesinen sekirmek bolǵan.

«Ony raıynan qaıtarýǵa kóndirý áreketteri nátıje bergen joq. Mılıtsııa qyzmetkerleri shuǵyl kilem taýyp, ony terezeniń astyna kerdi. TJM qyzmetkerleri esikti buzyp ishke kirgen mezette boıjetken sekirip ketti. Abyroı bolǵanda, tómende daıyndalyp turǵan mılıtsıonerler ony qutqaryp qaldy», - dep atap ótti ІІM.

Qazirgi tańda sýıtsıdtiń sebebi anyqtalyp jatyr. Qyzdyń jeke basy anyqtaldy, bıyl mamyrda ol 18-ge tolady. 

 

 

Basty sózder: Qyrǵyzstan, Oqıǵa,
Joǵary qaraı