Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Altyn qorda saqtalǵan mádenı muralar elektrondy formatta qoljetimdi bolmaq

2019 jyldyń 19 sáýir 2019 14:30

NUR-SULTAN. QazAqparat - Qazaq radıosynyń Altyn qorynda saqtalǵan úzdik ertegiler, batyrlar jyry, ánder men kúıler, aıtys pen naqyl sózder arnaıy ınternet-portalda qoljetimdi bolady, dep habarlaıdy QazAqparat tilshisi.

Bul portal qazaqstandyqtarmen birge, shettegi qandastar úshin jáne sheteldik zertteýshiler úshin paıdaly bolmaq.

«Ultymyzdyń mádenı murasy altyn qorda ǵana saqtalyp jatpaı, keleshek urpaq múddesi úshin qyzmet etýi qajet. Osy maqsatta «Altyn qor» dep atalatyn arnaıy saıt qurylady. Sol ınternet-portal arqyly elimizde ǵana emes, ózge memleketterdi mekendep jatqan qalyń qandastarymyz da, qazaq folkloryn zerttep júrgen sheteldik mamandar da ózine qajetti málimetti ala alady», - dedi QR Aqparat jáne qoǵamdyq damý mınıstri Dáýren Abaev Ortalyq kommýnıkatsııalar qyzmetinde ótken baspasóz máslıhatynda.

Mınıstrdiń aıtýynsha, portalda kırılıtsamen qatar latyn álipbıi de qamtylady jáne álem halqyna qoljetimdi bolýy úshin Altyn qor saıtynyń aǵylshyn tilindegi nusqasy ázirlenedi.

«Qazaq radıosynyń Altyn qory úshin saıt pen qosymsha mobıldik nusqa da jasalady. ıAǵnı, árbir qazaqstandyq keshke balasyna mobıldi nusqadan ertegi qosyp bere alady», - deıdi «Qazaq radiolary» JShS dırektory Qurmanbek Jumaǵalı.

Aıta keteıik, elordada Qazaq radıosynyń Altyn qoryndaǵy úzdik ertegiler, batyrlar jyry, ánder men kúıler, aıtys pen naqyl sózder engen «Dala folklorynyń antologııasy» tanystyryldy.

Jınaqtaǵy ánder alǵashqy oryndaýshylardyń únimen túpnusqa qalpynda enip otyr. Atap aıtqanda, Ámire Qashaýbaevtyń «Balqadıshasy», «Dýdaraıy», «Jalǵyz arshasy» men «Besqarageri», Kenen Ázirbaevtyń «Kók sholaǵyn», «Boztorǵaıyn», «Bulbulǵa» jáne «Dombyrasyn» tyńdaýǵa bolady.

Joǵary qaraı