Aýa raıy
Astana 18 °S
Almaty 32 °S
valıýta baǵamy
USD 384.52
EUR 431.32
RUB 6.10
CNY 55.89

«Almatyjolzerthana» RMK dırektoryna 40 mln teńge aıyppul salyndy

2019 jyldyń 18 maýsym 2019 10:37 1440

NUR-SULTAN. QazAqparat - Almaty oblystyq jemqorlyqqa qarsy qyzmet «Almatyjolzerthana» RMK  dırektory S.Kenjeǵulǵa qatysty sotqa deıingi tergeý sharalaryn aıaqtady, dep habarlaıdy QazAqparat tilshisi.  

QR Sybaılas jemqorlyqqa qarsy is-qımyl agenttiginiń baspasóz qyzmeti taratqan aqparatqa qaraǵanda, S.Kenjeǵul 2018 jyldyń jeltoqsany men 2019 jyldyń sáýiri aralyǵynda «Qazaqjolqurylys» JShS-nyń dırektory Z.Doshanovtan jol  salý barysynda  arzan materıaldardy qoldanýǵa kelisimin berý úshin  jalpy  somasy 2 mln teńge para alǵan. Sonymen qatar ol kásipkerlik qyzmetke zańsyz aralasqan.

«Bıylǵy jyldyń 12 maýsymynda S.Kenjeǵul Taldyqorǵan qalalyq sotynyń úkimimen 40 mln teńge kóleminde aıyppul tóleýge mindetteldi. Dál osy sot para berýshi Z.Doshanovty da 30 mln teńge kólemin aıyppul tóleýge mindettedi.  Sottalýshylar memlekettik qyzmette jáne jergilikti ózin ózi basqarý organdarynda ómir boıy laýazym ıelený quqyǵynan aıyryldy», - dep atap ótedi agenttik.

Vedomstvo málimetinshe,  sottalýshylar úkim zańdy kúshine engen kúnnen bastap 1 jyldyń ishinde aıyppuldaryn tóleýi tıis. Eger olar aıyppuldaryn atalǵan merzim ishinde tólemese bas bostandyqtarynan aıyrylady.

 

 

 

 

 

Joǵary qaraı