Awa rayı
Nur-Sultan 15 °S
Almatı 30 °S
valyuta bağamı
USD 378.65
EUR 430.07
RUB 6.00
CNY 55.10

Almatınıñ Äl-Farabï dañğılındağı jıldamdıqtıñ şektelwі tïіmdіlіgіn körsettі

2019 jıldıñ 18 qañtar 2019 16:32 540

ALMATI. QazAqparat - Almatıda Äl-Farabï dañğılında jıldamdıq sağat 60 şaqırımğa deyіn şektelgen bolatın. Sodan bergі 3 künde bіr de bіr jol erejesіn buzw deregі tіrkelgen joq. Bul twralı qalalıq PD baspasöz qızmetі xabarladı.

Polïcïya departamentі jol jıldamdığın şektewdі engіzgelі berі Äl-farabï, Saïn, Şığıs aynalma tasjolında jol qozğalısınıñ nätïjesіn jarïyaladı.

«Soñğı üş jılda jürgіzіlgen taldawlarğa säykes, atalğan tasjoldağı jol qozğalısı avtokölіkterdіñ sanınıñ artwına, trafïktіñ ulğayuına, keybіr jürgіzwşіlerdіñ jawapsızdığına baylanıstı sın kötermeytіn. 2016 jılı Äl-Farabï dañğılında 76 jol apatı bolsa, 2017 jılı - 97, 2018 jılı - 106 jol apatı tіrkelgen. Bıltır osı jolda 4 adamnıñ ömіrі qïılıp, 127 adam jaraqat aldı. Saïn köşesіndegі axwalğa kelsek, 2016 jılı - 137, 2017 jılı - 169, 2018 jılı 183 jol apatınan 6 adam qaza bolıp, 171 adam jaraqat aldı. Şığıs aynalma jolında 1 adam qaza bolıp, 33 adam jaraqat aldı», - dedі qalalıq PD Äkіmşіlіk polïcïya basqarmasınıñ basşısı Jandos Muratalïev.

Ayta ketw kerek, Almatınıñ üş köşesіnde 15 qañtardan bastap jıldamdıq sağatına 80 şaqırımnan 60 şaqırımğa tüsіrіldі.

Polïcïya taratqan mälіmetke säykes, älemdіk täjіrïbede jol jürw jıldamdığın 5 payızğa ğana azaytwdıñ arqasında jol apatınan bolatın adam ölіmіn 10-20 payızğa azaytwğa boladı.

 

 

 

Avtor: Gülmïra Ğosmanälï
Bastı sözder: Kölіk, Qoğam, Almatı,
Joğarı qaray