Aýa raıy
Astana 1 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Almatylyqtar sý kórsetkishin WhatsApp arqyly jiberetin boldy

2019 jyldyń 23 sáýir 2019 12:35

ALMATY QazAqparat - Tutynýshylarǵa yńǵaıly bolý úshin «Almaty sý» mekemesi esepteýish quraldarynyń kórsetkishterin qabyldaýdy avtomatty júıege aýystyryp jatyr, dep habarlaıdy QazAqparat tilshisi.

Endi tutynýshylar esepteýish quraldarynyń kórsetkishterin WhatsApp messenjeri arqyly jibere alady.

«Ol úshin esepteýish quralynyń nómiri men kórsetkishin uıaly telefonǵa anyqtap túsirip alý qajet. Sodan soń +7 747 3 777 444 nómirine joldaý kerek. Jiberilgen kórsetkish avtomatty túrde aqparattar qoryna engiziledi. Sapasyz jasalǵan sýretter nemese qosymsha jazylǵan aqparattar qabyldanbaıdy. Saparda júretin, ýaqytyn únemdegisi keletin turǵyndar úshin kásiporyn uıaly telefon arqyly tólem jasaýǵa bolatyn júıeni engizdi. Sý aqysyn 5 túrli tásilmen tóleýge bolady. Eger qosymsha aqysyz tólegińiz kelse, mekemeniń kassasyna nemese tutynýshylarǵa qyzmet kórsetý ortalyǵynda arnaıy termınalda tóleýge bolady. Ýaqyt únemdegińiz kelse, uıaly telefonda kaspi qosymshasynda, 24 kassa nemese poshtadan tólem jasaýǵa bolady»,- dedi «Almaty sý» kásipornynyń baspasóz qyzmetinen.

«Almaty sý» mekemesinde qala boıynsha halyqqa qyzmet kórsetetin 4 ortalyq jumys isteıdi. Ortalyq qyzmet kórsetý keńsesiniń ózinde jylyna 153 myńǵa jýyq tutynýshy sýdy tutynýǵa qatysty, esepteýish quraldary men kelisimshartqa otyrý jaıly aqparatqa qol jetkizgen. 2018 jyly tutynýshylardan túsken shaǵymdardyń 99 paıyzy sheshimin tapqan.

Sonymen birge, ýaqyty tyǵyz, jumys babyna qaraı keńsege kele almaıtyn tutynýshylarǵa jeńildikter jasalǵan. Arnaıy kópkanaldy telefon arqyly aqparattardy bilý múmkindigi bar.

Táýlik boıy jumys isteıtin apattyq jaǵdaılar týraly aqparattardy qabyldap alatyn dıspetcherlik ortalyq bar. Mundaı ortalyqtar ár aýdanda ornalasqan (ortalyqtandyrylǵan dıspetcherlik keńseniń nómiri - 274 66 66). Qosymsha basqa da suraqtar týyndaǵan jaǵdaıda mekemeniń jeke poshtasyna almatysu@mail.ru hat joldaýǵa bolady. Qala ákiminiń tapsyrmasy boıynsha kommýnaldyq mekemeler men Almaty qalasynyń Damý ortalyǵynyń arasynda kelisim -sharttardy elektrondyq júıege aýystyrý jumystary qolǵa alynyp jatyr. Qazirgi kezde eki mekeme arasyndaǵy kelisim jumystary qolǵa alyndy.

Aıta keteıik, qańtardyń birinen bastap Almaty qalasynda aýyz sý quny 10 paıyzǵa arzandady.

Joǵary qaraı