Aýa raıy
Astana -1 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Almatylyq jastar Nursultan Nazarbaevty gúl shoqtarymen qarsy aldy

2019 jyldyń 26 naýryz 2019 14:06

ALMATY. QazAqparat - Almatylyq jastar elimizdiń Tuńǵysh Prezıdenti - Elbasy Nursultan Nazarbaevty ushaq trapynan gúl shoqtarymen qarsy aldy, dep habarlaıdy QazAqparat tilshisi.

JOO stýdentterin biriktiretin G-38 uıymynyń basqarýymen eki myńnan astam almatylyq stýdent Elbasyna jastarǵa degen sheksiz qamqorlyǵy men qoldaýy jáne táýelsiz Qazaqstannyń qalyptasýyna qosqan baǵa jetpes úlesi úshin jeke alǵystaryn bildirdi.

Traptan túsken Nursultan Nazarbaev ózi kútpegen, biraq qýanysh syılaǵan tosyn kezdesýdi uıymdastyrǵan jastarǵa jeke alǵysyn bildirdi.

Aıta keterligi, Almatyda bıyl ekinshi jyl qatarynan 2020 jylǵa deıingi jastardyń Jol kartasy júzege asyp jatyr. Mysaly, «Almaty jastary» qalalyq turǵyn úı baǵdarlamasy arqyly jas otbasylar alǵashqy jarnasyz 5% nesıemen jeńildetilgen ıpotekaǵa qol jetkize alady. Elbasynyń tapsyrmasy boıynsha Almatyda ótken jyly birneshe jataqhana iske qosyldy, bıyl taǵy 2680 oryndy 5 jataqhana salý josparlanǵan.

Elbasynyń Bes áleýmettik bastamasy arqyly qalada bilim granttary 1,5 ese ósip, 28 myń grantty qurady. Almatyda turmysy tómen otbasylardyń úzdik oqýshylaryna osy aıdan bastap stıpendııa berile bastady, ıaǵnı joǵary oqý oryndary men kolledjderdiń stýdentteri aı saıyn 10 myń teńgeden, al mektep oqýshylary 5 myń teńgeden alýda.

Bulardan ózge, «Rýhanı jańǵyrý» baǵdarlamasy aıasynda qalada jastardyń Loft-ortalyǵy jumys isteýde, munda kovorkıng ortalyq, jastarǵa qyzmet kórsetý aımaǵy, eriktiler korpýsynyń jáne jataqhanaǵa kýratorlyq kórsetýdiń ortalyqtary, sheberhanalar bar. Jastarmen jumys isteý Ortalyǵynyń jelisi quryldy jáne Jambyl atyndaǵy kitaphana qaıta jańǵyrdy. Qalada sońǵy eki jyl ishinde jastar arasyndaǵy jumyssyzdyq 7,1-den 6,4%-ǵa qysqardy, 20 myńnan astam adam nemese ótinish bergenderdiń 91%-y eńbekpen qamtyldy.

Kúni keshe ǵana Almatyda Respýblıka Saraıy aldynda el astanasynyń Nur- Sultan atanýyna qoldaý bildirgen myńdaǵan adamdyq kontsert ótti. Jınalǵandar arasynda tanymal sportshylar Qanat Islam men Islam Baıramýkov, otandyq estrada juldyzdary Kámshat Joldybaeva, Kental, Lýına, Rıngo, Azııa, Baqaı toptary jáne basqalary boldy.

Joǵary qaraı