Awa rayı
Astana 11 °S
Almatı 10 °S
valyuta bağamı
USD 352.54
EUR 415.15
RUB 5.31
CNY 51.53

Almatıda TMD-da balaması joq zawıt іske qosıldı

2018 jıldıñ 20 mawsım 2018 05:22 803

ALMATI. QazAqparat - Almatıda TMD boyınşa balaması joq joğarı texnologïyalıq jaña zawıt salındı. Ïnjenerlіk jüyelerdі qorğaytın önіm şığaratın käsіporın «Tokyo Rope Manufacturing» transulttıq korporacïyasına tïesіlі. Qala äkіmdіgіnen mälіm etkendey, qurılısı japondıq ïnvestïcïya esebіnen jürgіzіldі, dep xabarlaydı QazAqparat tіlşіsі.

Megapolïs äkіmі Bawırjan Baybek joğarı texnologïyalıq zawıttıñ el Prezïdentі Nursultan Nazarbaevtıñ şeteldіk ïnvestïcïyanı tartw jäne respwblïka aymağında ïnnovacïyalıq öndіrіs qurw jönіndegі tapsırmasın orındaw ayasında aşılğanın  atap öttі.  

Jaña käsіporında burğılaytın ankerler, asa tözіmdі metall arqandar, taw jäne karerde qoldanılatın bolat torlar şığaratın jäne texnïkalıq parametrі jağınan öte qundı jabdıqtar ornatılğan. Zawıttıñ qwatı joğarı - jılına 17 mıñ tonnadan astam bolat önіmderіn şığaradı.




«2016 jılı jobanıñ alğaşqı fazası jüzege asıp, «Tokyo Rope Almaty» zawıtınıñ önіmderі TMD elderі men Parsı şığanağında, sonıñ іşіnde Sawd Arabïyasınıñ іrі jobalarında qoldanıla bastadı. Bul jabdıqtar Esentay özenі jağalawınıñ, Ülken Almatı özenіne deyіngі avtojoldardı, Medew-Şımbulaq aspalı jolı men «Mıñjılqı» platïnasınıñ berіktіgіn arttırwda paydalanıldı. Men bügіngі bіrіgіp atqarılğan jumıstıñ Qazaqstanğa  japondıq ïnvestïcïyanıñ jaña legіnіñ  kelwіne serpіn beretіndіgіne senіmdіmіn», - dedі «Tokyo Rope Manufacturing» dïrektorlar keñesіnіñ törağası Şïgeto Tanaka.

Japondıq kompanïya 130-dan astam jıl burın qurılğan jäne bolat arqandarın şığarwda älemdіk jetekşі käsіporın bolıp tabıladı. «Tokyo Rope» selge, tas, lay köşkіnderіne qarsı turatın jabdıqtar men qurılğılar da şığaradı. Japon fïrmasınıñ bolat arqandarı älemdegі 20 іrі köpіrdіñ 12-sіnіñ qurılısında qoldanılğan. Japonïyada şığatın ärbіr törtіnşі avtoşïnada Tokyo Rope önіmderі bar. Bulardan özge kompanïya jedel lïftіler men ïnjenerlіk qorğanıs öndіrіsі üşіn joğarı sapalı arqandar şığarwmen de tanımal.

Qala äkіmdіgі baspasöz qızmetіnіñ mälіmetіnşe,  Almatınıñ ïndwstrïaldı aymağında qurılıs, farmacevtïka, xïmïya, tamaq jäne jeñіl önerkäsіp salaları boyınşa  40-tan astam іrі otandıq jäne şeteldіk jobalar jüzege aswda. Bïılğı jılı 9 jaña joba engіzw josparlanğan.



 

Joğarı qaray