Awa rayı
Astana 14 °S
Almatı 15 °S
valyuta bağamı
USD 360.12
EUR 409.67
RUB 5.33
CNY 52.34

Almatıda sıbaylas jemqorlıqtı xabarlağandarğa qanşa sıyaqı berіledі

2018 jıldıñ 14 mawsım 2018 16:01 639

ALMATI. QazAqparat - Almatıda sıbaylas jemqorlıq twralı xabarlamağa berіletіn sıyaqı mölşerі qılmıstıñ türіne qaray berіledі. Bul twralı Sıbaylas jemqorlıqqa qarsı іs-qïmıl ulttıq byurosı departamentі basşısı Erjan Ïbragïmov ayttı, dep xabarlaydı QazAqparat tіlşіsі.

«Sıbaylas jemqorlıqqa qatıstı xabarlamağa berіletіn sıyaqı qılmıstıñ türіne baylanıstı. Ol 96 200 teñgeden bastalıp 240 500 teñgege deyіn baradı. Eger jeñіl qılmıs bolsa onda xabarlawşı 40 AEK kölemіnde, yağnï 96200 teñge ala aladı. Eger bul ortaşa deñgeydegі qılmıs bolatın bolsa 50 AEK yağnï 120 250 teñge, al awır qılmıs türіn xabarlağan kіsіge 70 AEK kölemіnde 168 350 teñge berіledі. Öte awır degen qılmıs twralı xabarlağanğa 100 AEK yağnï 240 500 teñge berіledі»,-dedі Erjan Ïbragïmov.

Onıñ aytwınşa, bïıl Almatıda sıbaylas jemqorlıq jönіnde xabar taratqandarğa  900 mıñ teñgedey aqşa jumsalğan. Al bıltır 3 mln kölemіnde aqşa bölіngen.

Sonday-aq spïkerdіñ aytwınşa, bïıl  sıbaylas jemqorlıqqa qarsı іs-qïmıl ulttıq byurosı departamentі men 54 qılmıstıq іs qozğalıp, onıñ 40-ı sotqa jіberіlgen. 18 tulğa äkіmşіlіk jawapkerşіlіkke tartılğan.

«Keltіrіlgen zalal kölemі 170 mïllïondı quraydı, onıñ barlığı qaytarıldı. Byuro quzіretіne sıbaylas jemqorlıqqa baylanıstı  quqıq buzwşılıqtar men qılmıstardı anıqtaw kіredі.  Bіzdіñ tarapımızdan  QR qılmıstıq-procestіk kodeksіnіñ 200 babın ujımdıq ortada tüsіndіrw jumıstarı jürgіzіlwde. Bul qılmıstıñ aldın alwğa kömektesedі degen oydamız»,-dedі Erjan Ïbragïmov.

 

 

Joğarı qaray