Aýa raıy
Astana 16 °S
Almaty 11 °S
valıýta baǵamy
USD 386.82
EUR 428.67
RUB 5.86
CNY 54.95

Almatyda sheteldikti áýejaıdan qalaǵa 33 myń teńgege jetkizgen taksı júrgizýshisi ustaldy

2019 jyldyń 18 shilde 2019 17:59 283

ALMATY. QazAqparat - Sheteldik azamatty Almaty áýejaıynan qalaǵa deıin 33 myń teńgege jetkizgen taksı júrgizýshisi ustaldy. Bul turaly hostel ıesi Shákir Islambakıev Facebook paraqshasynda jarııalady, dep habarlaıdy QazAqparat tilshisi.

«Taksı júrgizýshisi tabyldy. Aqshany qaıtardy. Sheteldik bul qarjyny WaterAid UK, aýyz sý tapshylyǵy máselelerimen aınalysatyn kompanııaǵa aýdardy», - dep jazdy Shákir Islambakıev.

Kásipker BAQ ókilderine,ákimdikke, Visit Almaty, Almaty áýejaıynyń baspasóz qyzmetine jáne polıtsııa qyzmetkerlerine alǵys aıtty.

«Sol kúni áýejaıda osy másele boıynsha shuǵyl jıyn ótti. Sebebi, taksısterdiń quryǵyna tek jalǵyz osy týrıst túsken joq. Jekemenshik tasymaldaýshylar sheteldik qonaqtardy aldap, aqshalaryn qaltalaryna basady. Endi,buǵan jol berilmeıdi. Áýejaı aýmaǵynda arnaıy aqparattyq taqta ornatylady. Onda taksı qyzmetiniń ortasha tarıfi jazylatyn bolady»,-dedi ol.

Esterińizge sala keteıik, taksı júrgizýshisi sheteldik azamatty áýejaıdan qalaǵa deıin 33 myń teńgege alyp kelgen.


Avtor Alma Muqanova
Basty sózder: Almaty, Qylmyspen kúres, Kólik,
Joǵary qaraı