Aýa raıy
Astana -9 °S
Almaty 0 °S
valıýta baǵamy
USD 388.70
EUR 428.70
RUB 6.08
CNY 55.46

Almatyda naýqasty aýrýhanaǵa alyp bara jatqan jedel járdem kóligi aýdaryldy

2019 jyldyń 21 qazan 2019 13:51

ALMATY. QazAqparat- Almatyda naýqasty aýrýhanaǵa alyp kele jatqan jedel járdem kóligi aýdarylyp, feldsher men naýqas zardap shekti, dep habarlaıdy QazAqparat tilshisi.

Jol-kólik oqıǵasy Qulja tasjolynyń boıynda áýejaıǵa baratyn jolda bolǵan.

Kýágerlerdiń aıtýynsha, naýqasty úıinen alyp ketken jedel járdem kóligi ońtústik baǵytta arnaıy jolaqpen dabylyn qosyp kele jatqan. Sheńberge jetken tusta keptelisten shyǵýdy oılaǵan Lexus GS 300 markaly avtomobıldiń júrgizýshisi arnaıy jolaqpen júrip, jedel járdem kóligin soqqan, sonyń saldarynan dárigerler otyrǵan kólik aýdaryldy.

Almaty qalalyq qoǵamdyq densaýlyq saqtaý basqarmasynyń habarlaýynsha, №4 balalar klınıkalyq aýrýhanasyna feldsher, bala jáne onyń anasy jetkizildi. Olar jedel-járdem kóligimen juqpaly aýrýlar aýrýhanasyna «JRVI» dıagnozymen ketip bara jatqan bolatyn.

«Jolaýshyǵa jumsaq tinderdiń jaraqaty, keýde qýysynyń jabyq jaraqaty dıagnozy qoıyldy. Ol ambýlatorııalyq emdelýge jiberildi. Feldsherdiń beti syrylǵan, kógergen ol da ambýlatorııalyq em qabyldaýǵa jiberildi. 9 aılyq náresteni Balalarǵa jedel medıtsınalyq kómek kórsetý ortalyǵyna apardy, onda ony kópsalaly brıgada tekserip shyqty. Balada bas súıek mı jaraqaty joq. Sondyqtan, jedel respıratorly vırýstyq ınfektsııa dıagnozymen juqpaly aýrýlar aýrýhanasyna jetkizildi», - dep habarlady basqarmadan.

Avtor Alma Muqanova
Basty sózder: Kólik, Oqıǵa, Almaty,
Joǵary qaraı