Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Almatyda manıpýlıator basyp qalǵan 3 adamnyń jaǵdaıy múshkil

2019 jyldyń 15 mamyr 2019 16:29

ALMATY. QazAqparat - Almaty dárigerleri aýyr tehnıka astynda qalǵan úsh adamnyń jaǵdaıy týraly aıtty, dep habarlaıdy QazAqparat tilshisi.

«53 jastaǵy áıel mıdyń aýyr jaraqatymen tústi. Sýbarahnoıdaldy qan ketken. Oń jaq ıyǵynyń astyńǵy tusy ashyq synǵan. Keýde qýysynyń jabyq jaraqaty bar, oń jaǵynda 10 qabyrǵa synyp ketken, travmatıkalyq shoktyń úshinshi dárejesinde tústi. Shuǵyl ota jasalǵan. Patsıenttiń jaǵdaıy óte aýyr. Komada jatyr. Jasandy tynys alý apparatyna qosylǵan.
49 jastaǵy ekinshi áıel patsıenttiń mıy jaraqattanǵan. Sol jaq jambas súıeginiń shashyrańqy synǵan, sol jaq asyqty jiliginiń býyny synyp ketken. Taǵy da basqa jaraqattary bar. Bul áıeldiń jaǵdaıy da aýyr. Biraq esin biledi.
Úshinshi patsıent 32 jastaǵy er adam aýyr mı jaraqatymen, samaı súıeginiń synyǵymen tústi. Qazir onda pnevmotsefolııa, ashyq shashyrańqy synyq bar. Sol jaq asyq jiliginiń terisi jyrtylǵan. Shuǵyl ota jasaldy. Jasandy tynys alý apparatyna qosyldy. Biraq esin biledi»,- dedi №7 qalalyq klınıkalyq aýrýhanasynyń jan saqtaý bóliminiń meńgerýshisi Esenaı Espenbetov.

Eske sala ketsek, oqys oqıǵa búgin «Áıgerim» shaǵyn aýdanynda bolǵan. Manıpýlıator krannyń tireýi taıyp ketip, aýyr tehnıka kóshede ketip bara jatqan úsh adamdy basyp qaldy.

Avtor Gúlmıra Ǵosmanálı
Basty sózder: Oqıǵa, Almaty,
Joǵary qaraı