Aýa raıy
Astana 13 °S
Almaty 17 °S
valıýta baǵamy
USD 386.34
EUR 427.25
RUB 5.88
CNY 54.57

Almatyda kólik qozǵalysyn «aqyldy» baǵdarshamdar baqylaıdy

2019 jyldyń 18 shilde 2019 13:24 231

ALMATY. QazAqparat - Almaty qalasy ákiminiń orynbasary Erlan Áýkenov Qoǵamdyq keńestiń otyrysynda megapolıste baǵdarshamdar sany kóbeıetinin aıtty,dep habarlaıdy QazAqparat tilshisi. 

Onyń aıtýynsha, 30 jylda alǵash ret jol qozǵalysyn avtomattandyrylǵan basqarý júıesi baqylaıtyn bolady. Almaty baǵdarshamdar keshenin qaıta jańǵyrtý bastaldy.

«90 baǵdarshamǵa jaryqdıodty sham ornatylady. Ol avtomatty túrde kólikterdi onlaın rejımine baǵyttaıdy, kólik keptelisi bar kóshelerdi kórip, júrgizýshilerge kólik az kóshelerdi kórsetedi. Biz elimiz boıynsha birinshi bolyp osy jańashyldyqqa qol jetkizemiz. Datchıkter baǵdarshamdardyń ár jaryq sıgnalyna ornatylady. Sol arqyly qozǵalys aǵynyn baqylaıdy. Bıyl biz 27 baǵdarsham ornatýdy josparlaǵan bolatynbyz. Qazir sonyń 20-sy ornatyldy. Qyrkúıek aıynda tolyqtaı jańa formatqa kóshýdi aıaqtaımyz, osylaısha múmkindigi shekteýli adamdarǵa da jaǵdaı jasaımyz. Kelesi jyly taǵy 24 joba júzege asyrylady. Aldaǵy bir jarym jylda 50 baǵdarsham ornatý kózdelgen», - deıdi ákim orynbasary.

Almatyda baǵdarsham ornatý jumystary jalǵasa bermek.

«Ákim 100 baǵdarshamnyń jobasyn daıyndaýǵa tapsyrma berdi. Sońǵy 10 jylda qala eki ese ósti, biraq baǵdarshamdar sol deńgeıde qaldy. Bizge 200 baǵdarsham qajet. «Shetsiz qala» jobasy aıasynda taǵy 200 baǵdarshamdy ortalyqtaǵydaı qala syrtyndaǵy kóshelerge qoıý kerek. Jobalaýǵa jarty jyl ýaqyt ketedi, kelesi jyly júzege asyramyz»,- deıdi Erlan Áýkenov.

Joǵary qaraı