Aýa raıy
Astana 17 °S
Almaty 28 °S
valıýta baǵamy
USD 384.52
EUR 431.32
RUB 6.10
CNY 55.89

Almatyda bir otbasynyń 7 adamy ıisti gazdan ýlanyp qaldy

2019 jyldyń 22 aqpan 2019 12:07 1131

ALMATY. QazAqparat - Almatynyń Naýryzbaı aýdanynda bir otbasynyń 7 adamy ıisti gazdan ýlanyp, aýrýhanaǵa tústi, dep habarlaıdy QazAqparat tilshisi.

Oqys oqıǵa Naýryzbaı aýdany Shuǵyla shaǵynaýdanyndaǵy jeke úılerdiń birinde bolǵan.

«TJD ókilderi kelgende ıisti gazdyń peshten shyǵyp jatqanyn anyqtady. Peshtiń esigin úlkender jaqsylap bekitýdi umytqan. Munyń aldynda  bul otbasyǵa TJD ókilderi kelip, jylytý maýsymyndaǵy qaýipsizdik týraly túsindirý  jumystaryn júrgizgen», - dedi qalalyq TJD baspasóz qyzmetinen.

Qalalyq qoǵamdyq densaýlyq basqarmasynyń habarlaýynsha, aýrýhanaǵa otbasynyń 7 múshesi birdeı túsken. Onyń 5-eýi - balalar.

«Qazir barlyǵy dezıntoksıkatsııalyq terapııa qabyldap jatyr. Aqyl-esteri durys, suraqtarǵa durys jaýap berip jatyr. Jaqynda barlyǵy aýrýhanadan shyǵady», - dedi dárigerler.

TJD málimetinshe, qys bastalǵaly beri TJD qyzmetkerleri 145 jeke úıdi aralap shyqqan. 10 myń adamǵa qaýipsizdik erejesi týraly aıtyldy.

Sonymen qatar, TJD qyzmetkerleri bir kúndik jalaqysyn 100 ıisti gazdy anyqtaıtyn qurylǵy satyp alýǵa aýdardy. Bul qurylǵylar turmysy tómen otbasylardyń úılerine ornatylady.

 

 

 

Joǵary qaraı