Awa rayı
Nur-Sultan 14 °S
Almatı 28 °S
valyuta bağamı
USD 378.65
EUR 430.07
RUB 6.00
CNY 55.10

«Almatı - Uzınağaş» poyızına bïlettі Oñay arqılı alwğa boladı

2019 jıldıñ 22 qañtar 2019 16:12 812

ALMATI. QazAqparat  - «Almatı-Uzınağaş» elektropoyızında jol aqısın Oñay kartası arqılı tölewge boladı, dep xabarlaydı QazAqparat tіlşіsі.

Bul mümkіndіk 23 qañtardan bastap qoljetіmdі bolmaq.

«Bіz Oñay jüyesіnіñ köptegen mümkіndіkterі bar ekenіn jäne onıñ arı qaray damıtwğa bolatının bіrneşe ret aytqan edіk. Oñay öz qoldanwşılarımen ünemі baylanısta bolıp, tek qoğamdıq kölіkte ğana emes, basqa da tawarlardı satıp alwğa ıñğaylı bolwı üşіn qızmet atqarıp jatırmız. Oñay jüyesі kez kelgen elektrondı qızmettermen eşbіr texnïkalıq kedergіsіz ïntegracïyalana aladı», - dedі Almatı qalası kölіk xoldïngіnіñ dïrektorı Sadïr Xamraev.

«Almatı 1 - Uzınağaş - Almatı 1» bağıtımen qatınaytın «Turan Ekspress» jolawşılar kölіgіnіñ bağası barlıq Oñay qoldanwşıları üşіn eşqanday jeñіldіksіz 80 teñge bolıp otır. 

Bul qızmettі tek Oñay kartası, «Dïzaynerlіk» karta, «Oñay» äşekeyі (brelogı), mektep oqwşılarınıñ Oñay kölіk kartası, Almatı oblısınıñ mektep oqwşısı kartası, stwdenttіk karta, qoğamdıq kölіk kartası, 75 jasqa deyіngіler qoldanatıñ zeynetkerler qoğamdıq kartası, köpbalalı ana qoğamdıq kartası bar qoldanwşılar paydalana alatının atap ötken jön.

Bügіngі tañda Oñay kartasımen Almatı zoobağında, «Medew» muz aydınında, «Kök-Töbe» sayabağında  tölem jasawğa boladı.

 

 

Joğarı qaray