Aýa raıy
Astana -4 °S
Almaty 1 °S
valıýta baǵamy
USD 388.81
EUR 429.01
RUB 6.08
CNY 55.49

Almaty polıtseıleri jezóksheler ordasyn anyqtady

2019 jyldyń 11 qazan 2019 22:02

ALMATY. QazAqparat - Jeńil júristi qyzdar ózderiniń qyzmetterin Seıfýllın dańǵylynda ornalasqan jaldamaly páterlerde kórsetken, dep habarlaıdy QazAqparat tilshisi.

Túrksib aýdandyq polıtsııa basqarmasyna jeńil júristi 16 qyz-kelinshek jetkizildi. Onyń tórteýi Ózbekstannan kelgen. Ustalǵandar ıntım qyzmetterin jaldamaly páterlerde kórsetken.

«Páterin ıntım qyzmet kórsetýge bergen úı ıeleri QR ákimshilik quqyq buzý kodeksiniń 450-babyna sáıkes jaýapqa tartylady. Bir táýlikte 10 ákimshilik is qozǵaldy, 1 shildeden bastap jezókshelikpen aınalysqan adamdardyń sany 67-ge jetti», - dedi Krımınaldy polıtsııa basqarmasynyń bastyǵy Janbolat Zıadın.

Jeńil júristi áıelderden saýsaq izderi alyndy. Ózbekstan azamatshalaryna qatysty kóshi-qon qyzmetiniń ókilderi arnaıy tekserý júrgizýde. Eger olardyń QR kóshi-qon zańnamasyn buzǵany anyqtalsa, ákimshilik jaýapkershilikke tartylyp, sot sheshimimen elden shyǵarylady.

Avtor Alma Muqanova
Basty sózder: Almaty, Qylmyspen kúres, Zań,
Joǵary qaraı