Aýa raıy
Astana 19 °S
Almaty 30 °S
valıýta baǵamy
USD 386.05
EUR 428.25
RUB 5.84
CNY 54.65

Almaty oblysynyń turǵyndary PD basshysyna qaýipsizdikke qatysty problemalaryn aıtty

2019 jyldyń 19 shilde 2019 21:52 240

TALDYQORǴAN. QazAqparat - «Joldaǵy qabyldaý» jáne «Aýladaǵy qabyldaý» respýblıkalyq is-sharalary barysynda qabyldaý ótkizgen oblystyq Polıtsııa departamentiniń bastyǵy Murat Urumhanovqa turǵyndar ózekti máselelerin jetkizdi, dep habarlaıdy QazAqparat tilshisi.

«Men oblys ortalyǵynyń jańa shaǵyn aýdandarynyń birinde turamyn. Bári ádemi. Biraq, keıbir jastardyń túngi mezgildegi qylyqtary tolǵandyrady. Qoǵamdyq tártipti buzýshylyqtar kóp kezdesedi. Sony baqylaýǵa alsańyz jaqsy bolar edi»,- dedi qala turǵyny Ardaq Aıbaruly.



Qabyldaýǵa kelgen bir adam jaqyn mańdaǵy aýdan ortalyǵynda turatynyn jáne qaladan shyǵa beristegi tıisti aıaldamaǵa baratyn jolda úlken kúre joldy qıyp ótý óte qaýipti ekenin aıtty.

«Bul – óte ózekti másele. Jaıaý júrginshilerdiń qaýipsizdigin qamtamasyz etý kerek. Qalalyq polıtsııa basshylyǵy tıisti qyzmettermen jáne jergilikti atqarýshy bılikpen qajetti sharalardy qabyldap, atalǵan jol ýchaskesinde jaıaý júrginshilerge arnalǵan baǵdarsham ornatý máselesin qarastyrýdy tapsyramyn», - dedi oblystyń bas polıtseıi Murat Urumhanov.



Sonymen qatar, polıtsııa general-maıorynyń qabyldaýyna kelgen turǵyndar aýla qaýipsizigi, jol qaýipsizdigi, beınebaqylaý kameralarynyń jumysy, ýchaskelik polıtsııa ınspektorlarynyń qyzmeti jáne jaldamaly páterler qyzmetin qatań baqylaýǵa alý syndy máselelrdi kóterdi. Oblystyq Polıtsııa departamentiniń bastyǵy tártip saqshylaryna tıisti tapsyrmalar berip, atalǵan máseleniń sheshilýin qatań baqylaýǵa alatynyn jetkizdi.

Aıta keteıik, aýla turǵyndarymen kezdesken polıtsııa generaly bir aı merzimnen keıin kezdesýge taǵy keletinin jáne búgin kóterilgen máselelerdi polıtseılerdiń qalaı sheshkeni týraly esepti tyńdaıtynyn jetkizdi.

Avtor Samal Qabysheva
Basty sózder: QR ІІM, Almaty oblysy,
Joǵary qaraı