Aýa raıy
Astana 24 °S
Almaty 15 °S
valıýta baǵamy
USD 386.82
EUR 428.67
RUB 5.86
CNY 54.95

Almaty oblysynda jaıylymnan bir úıir jylqyny urlap ketti

2019 jyldyń 21 aqpan 2019 11:53 955

TALDYQORǴAN. QazAqparat - Almaty oblysynyń jol-patrýl polıtsııa qyzmetkerleri «Almaty-Kókpek-Kóktal» avtojolynda urlanǵan jylqy tıelgen júk kóligin ustady, dep habarlaıdy QazAqparat tilshisi.

«Jol saqshylary 16 bas jylqy tıelgen «Magirus Deutz» júk kóligin toqtatty. Kólik júrgizýshisi men onyń serigi eshqandaı qujat kórsete almaǵan. Osyǵan oraı, jaqyn mańdaǵy polıtsııa bólimshesine jetkizildi. Tekserý barysynda atalǵan jylqylardyń kórshi Uıǵyr aýdanynan urlanǵany anyqtaldy»,- dep málimdedi Almaty oblysy polıtsııa departamentiniń baspasóz qyzmetinen.

Qoldy bolǵan jylqy Úlken Aqsý aýylynda turatyn úsh adamnyń jaıylymdaǵy maly bolyp shyqty.  Urylardyń ustalǵany týraly tártip saqshylary habar bergende mal ıeleri jaıylymdaǵy jylqylaryn úıirimen úptep ketkeninen beıhabar bolyp shyqqan. Jymysqy oılary iske aspaǵan urylar úsh turǵynǵa tórt jarym mıllıon teńgeden astam materıaldyq shyǵyn ákelgen eken. Tabylǵan mal zańdy ıelerine qaıtaryldy.

«Kúdiktilerdiń biri - jergilikti, ekinshisi - kórshi Jambyl oblysynyń turǵyny bolyp shyqty. Olar ýaqytsha ustaý oqshaýlaǵyshyna qamaýǵa alyndy. Osy derek boıynsha sotqa deıingi tergeý barysynda kúdiktilerdiń mal urlyǵynyń úsh deregine qatysy bary anyqtaldy»,- dep tolyqtyrdy oblystyq polıtsııa ókilderi.

Sonymen qatar, barymtashylar óńirdegi birqatar mal urlyǵyn jasady dep kúdikke ilingendikten, ózge de qylmystarǵa qatysy bar-joǵy anyqtalýda. Sotqa deıingi tergeý barysynda polıtseıler ustalǵan eki kúdiktimen qatar, urlanǵan maldy satyp alýshylardy da qylmystyq jaýapkershilikke tartýǵa nıetti ekenin jetkizdi.

 

 

Joǵary qaraı