Aýa raıy
Astana 17 °S
Almaty 26 °S
valıýta baǵamy
USD 384.52
EUR 431.32
RUB 6.10
CNY 55.89

Almaty oblysynda jastar forýmy ótip jatyr

2019 jyldyń 18 maýsym 2019 16:20 736

TALDYQORǴAN. QazAqparat - Taldyqorǵanda Almaty oblysy jastarynyń forýmy ótip jatyr. Sharaǵa Jetisý óńiriniń 150-ge jýyq jas óreni qatysýda, dep habarlaıdy QazAqparat tilshisi.

«Jastar kózqarasy: parasattylyq pen adaldyq» taqyrybyndaǵy sharanyń maqsaty - Memleket basshysy Qasym-Jomart Toqaev ulyqtaý rásiminde atap ótken 10 baǵytty júzege asyrý, jas memlekettik qyzmetshilerdiń kadrlyq rezervin qalyptastyrý. Sondaı-aq jastardyń boıyna jemqorlyqqa tózbeýshilik qasıetterdi sińirip, jaýapkershilikti arttyrý, erkin oılaý, batyl sóıleý, saıası belsendi bolýǵa shaqyrý.

null 

Forýmǵa aımaqtan 150-ge jýyq jas qatysyp, aǵa býynnyń aqylyn tyńdap, sektsııalyq oqýlarda dáris aldy. Semınar-trenıngter arqyly ózin-ózi damytýǵa, jańasha kózqaras qalyptastyrýǵa úırenýde. Jıyn barysynda QR Memlekettik qyzmet isteri jáne syıbaılas jemqorlyqqa qarsy is-qımyl agenttiginiń Almaty oblysy boıynsha departament basshysy Serikbaı Nurǵısaev sóz alyp, qatysýshylarmen óz tájirıbesimen  bólisti.

null 

«Mansaptyq ósý. Merıtokratııa jolymen óziniń boıyndaǵy qasıetti tolyq aqtap, tolyq kórsetip, memleketke paıdasyn tıgizý kerek. Jáne óziniń de qoǵam aldyndaǵy bedelin kórsetip ósýi qajet», - dep atap ótti departament basshysy.

 

 

Joǵary qaraı