Awa rayı
Astana -11 °S
Almatı -6 °S
valyuta bağamı
USD 371.56
EUR 422.43
RUB 5.56
CNY 53.51

Almatı oblısında jas kelіnşek öz balasın öltіrdі dep küdіkke іlіndі

2018 jıldıñ 12 qazan 2018 17:42 91

TALDIQORĞAN. QazAqparat - Almatı oblısınıñ polïcïyası öz balasın öltіrdі dep küdіkke іlіngen 19 jastağı äyeldі ustadı, dep xabarlaydı QazAqparat.

Oblıstıq ІІD-de bayandağanday, bul derek Talğar awdanındağı kentterdіñ bіrіnde tіrkeldі. 10 qazan künі munda 1,5 jasar balanıñ ölіmі anıqtaldı. Öz kezegіnde, polïceyler ölіm sebebіn anıqtaw üşіn sot-medïcïnalıq saraptama tağayındadı. Onıñ aldın ala qorıtındısı boyınşa, säbïdіñ ölіmі mexanïkalıq asfïksïya saldarınan bolğan.

Tärtіp saqşıları QR QK 99-babınıñ 2-bölіmіmen («Adam öltіrw») qılmıstıq іs qozğadı.

«Asa awır qılmıs jasadı degen küdіkpen qaytıs bolğan balanıñ 19 jastağı anası ustaldı. Qazіrgі kezde küdіktі äyel Qılmıstıq-processwaldıq kodekstіñ 128-babına säykes awdandıq polïcïyanıñ waqıtşa oqşawlaw kamerasına qamawğa alındı. Sot aldındağı tergew jumıstarın Talğar AІІB qızmetkerlerі jürgіzwde, sonday-aq ol oblıstıq tergew basqarmasınıñ baqılawında tur», - dep xabarladı vedomstvonıñ baspasöz qızmetіnen.

Atalğan faktіnіñ män-jayı sot aldındağı tergew barısında anıqtaladı. 

 

 

Bastı sözder: Almatı oblısı, Oqïğa,
Joğarı qaray