Aýa raıy
Astana 6 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Almaty oblysynda úsh aýysymdy mektepter azaımaı otyr

2019 jyldyń 18 maýsym 2019 16:36

TALDYQORǴAN. QazAqparat - Almaty oblysy boıynsha úsh aýysymdy mektep sany azaımaı tur. Óńir boıynsha bıylǵy oqý jylyn 34 mektep úsh aýysymmen aıaqtady, dep habarlaıdy QazAqparat tilshisi.

Almaty mańyndaǵy aýdandarda halyq kóp shoǵyrlanyp, tabıǵı ósimniń áserinen oqýshylar úsh aýysymmen oqýǵa májbúr. Máselen Іle aýdanynda bıylǵy oqý jylynda úsh aýysymdy 13 mektep boldy.

«Al jańa oqý jylynda úsh aýysymdy bilim shańyraqtary 25-ke jetýi múmkin. Sebebi bıylǵa jańa mektep josparlanbaǵan», - deıdi Іle aýdandyq bilim bólimi basshysynyń orynbasary Gúlnar Maqsutova.

Qazirgi tańda tek Jetigen aýylynda 300 oryndyq qosymsha ǵımarat qurylysy júrip jatyr. Al 2020 jylǵa 6 mekteptiń qurylysy josparlanǵan. Bilim shańyraqtarynyń jobalyq-smetalyq qujattary daıyndalýda.

Jalpy, Almaty oblysy boıynsha bıyl 7 mekteptiń qurylysy bastaldy. Olardyń beseýi jańa oqý jylynda ashylmaq.

Avtor Samal Qabysheva
Basty sózder: Almaty oblysy, Bilim,
Joǵary qaraı