Aýa raıy
Astana 24 °S
Almaty 27 °S
valıýta baǵamy
USD 384.52
EUR 431.32
RUB 6.10
CNY 55.89

Almaty oblysynda polıetılen dorbadan náreste tabyldy

2019 jyldyń 19 aqpan 2019 00:17 1261

TALDYQORǴAN. QazAqparat - Almaty oblysy Eńbekshiqazaq aýdanyndaǵy Túrgen aýylynyń turǵyny esik aldynan jańa týǵan náreste taýyp aldy. Kókek ana shaqalaqty qyzyl tústi polıetılen dorbaǵa salyp ketken, dep habarlaıdy QazAqparat tilshisi.

Túrgen aýylynyń turǵyny úıine otyn kirgizý úshin dalaǵa shyqqanda sharbaqqa ilinip turǵan dorbany ańǵarady. Otynyn kirgizip, peshin jaǵyp, esik aldyna qaıta shyqsa, dorba qozǵalady. It-mysyq shyǵar dep dorbany úıine alyp kirse, jańa týǵan náresteni kóredi. Dereý túrde jedel járdem jáne tártip saqshylaryn shaqyryp, mán jaıdy baıandaıdy.

Jańa týǵan balanyń salmaǵy 2,5 kg. Denesine sýyq ótken. Saýyqqansha aýrýhanada bolady. Odan keıin Shelek aýylyndaǵy bóbekter úıine tapsyrylmaq. Almaty oblystyq polıtsııa departamenti baspasóz qyzmetiniń málimetinshe qazir balanyń anasy izdestirilip jatyr.

"Sondaı-aq QR QK 119-babyna sáıkes, ıaǵnı «qaýipti jaǵdaıda qaldyrý» deregi boıynsha sotqa deıingi tergeý amaldary júrgizilýde. Іs Eńbekshiqazaq aýdandyq ІІB óndirisinde",- deıdi oblystyq polıtsııa departamenti baspasóz qyzmetiniń ókili.

 

 

Avtor Samal Qabysheva
Basty sózder: Almaty, Oqıǵa,
Joǵary qaraı