Awa rayı
Nur-Sultan 7 °S
Almatı 18 °S
valyuta bağamı
USD 378.90
EUR 422.74
RUB 5.87
CNY 54.80

Almatı oblısında bіr top urı 15 üydі tonap kettі

2019 jıldıñ 24 qañtar 2019 07:49 662

TALDIQORĞAN. QazAqparat - Almatı oblısınıñ polïceylerі bіr top urını ustadı, dep xabarlaydı QazAqparat tіlşіsі oblıstıñ polïcïya departamentіnіñ baspasöz qızmetіne sіlteme jasap.

Tärtіp saqşılarınıñ aytwınşa, tört er adamnan quralğan qılmıstıq toptı Jambıl awdanınıñ polïceylerі ustağan. Qazіr olarğa Uzınağaş awılında 2018 jıldıñ küzіnde tіrkelgen urlaw derekterі boyınşa ayıp tağılğan.

«Küdіktіler kezektі urlıqtan keyіn derew ustaldı. Olardıñ ekewі burın sottalğan. Tergep-tekserw kezіnde ustalğandar osı sekіldі basqa qılmıstarğa qatısınıñ bar-joğı tekserіldі. Qazіr küdіktіler är türlі kezde jasalğan 15 urlıq deregі boyınşa ayıptalıp otır. Jäbіrlenwşіlerge keltіrіlgen jalpı zalal şamamen 5 mïllïon teñgenі quraydı», - dep mälіmdedі Almatı oblıstıq PD baspasöz qızmetі.

Awıl turğındarınıñ qoldı bolğan mülіkterіnіñ bіr bölіgі tabılıp, tergewge zattay ayğaq retіnde alındı.

«Äzіrge küdіktіlerdіñ negіzgі fïgwrant bolıp otırğan bіrewі ğana qamawğa alındı. Al üşewіne tergew kezіnde eşqayda ketpew bultartpaw şarası qoldanıldı. Jambıl oblıstıq polïcïyasınıñ qızmetkerlerі QR Qılmıstıq kodeksіnіñ 188-babı («Urlıq») boyınşa sotqa deyіngі tergep-tekserw jürgіzіp jatır», - deydі polïcïya qızmetkerlerі.

Avtor: Xasan Espanov

 

 

 

Bastı sözder: Qılmıspen küres, Almatı oblısı,
Joğarı qaray