Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

Almaty oblysynda aýylǵa jarylǵysh zat qoıyldy degen azamat ustaldy

2019 jyldyń 26 mamyr 2019 16:59

TALDYQORǴAN. QazAqparat - Almaty oblysynyń Talǵar aýdanynda jarylǵysh zat qoıyldy dep habarlaǵan azamat ustaldy. Kúdikti 26 mamyr kúni polıtsııaǵa qońyraý shalyp, Jalǵamys aýyly mańyndaǵy sý sorǵysh stansasyna mına qoıylǵanyn aıtqan, dep habarlaıdy QazAqparat tilshisi.

Aıtylǵan oryndy polıtsııa qyzmetkerleri qorshaýǵa alyp, jarylǵysh zatty zalalsyzdandyratyn mamandar ıisshil ıttermen tekserýge kirisken. Nysan aýmaǵynda eshqandaı jarylǵysh zat tabylmaǵan. Jedel izdestirý jumystary bastalyp, sanaýly saǵatta qońyraý shalǵan 42 jastaǵy er azamat ustaldy. Qazirgi tańda terrorızm aktisi týraly jalǵan habarlama berý deregi boıynsha qylmystyq is qozǵaldy. Tergeý jumystary Talǵar aýdandyq polıtsııa bóliminiń qyzmetkerlerine tapsyryldy. Almaty oblystyq polıtsııa departamenti baspasóz qyzmetiniń málimetinshe, kúdikti ýaqytsha ustaý oqshaýlaǵyshyna qamaýǵa alynǵan.

Avtor Samal Qabysheva
Basty sózder: QR ІІM, Oqıǵa, Almaty oblysy,
Joǵary qaraı