Aýa raıy
Astana 17 °S
Almaty 12 °S
valıýta baǵamy
USD 386.80
EUR 429.27
RUB 5.78
CNY 54.89

Almaty men Nur-Sultannyń arasyn 4 jolaqty jol jalǵaıdy

2019 jyldyń 19 shilde 2019 15:43 301

NUR-SULTAN. QazAqparat – Sońǵy 10 jylda eldegi sapasy nashar joldar 40 paıyzdan 12 paıyzǵa azaıǵan, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfııngte «QazAvtoJol» ulttyq kompanııasynyń basqarma tóraǵasy Ulan Álipov osylaı málim etti.

«Nurly jol» memlekettik baǵdarlamasy boıynsha uzyndyǵy 4,4 myń shaqyrymnan asatyn 14 jobany júzege asyrý aldaǵy kúnniń mindetine kirip otyr. Atalǵan jobalarǵa 18 myń adam men 12 myń jýyqqa tehnıka jumyldyrylǵan», - deıdi kompanııa basshysy.

Sonyń arqasynda Ortalyq-Ońtústik, Ortalyq-Shyǵys, Ortalyq-Batys, Ortalyq-Soltústik dálizderinde jol sapasy jaqsarmaq. «Halyqaralyq dálizdermen qatar shekara mańyndaǵy baǵyttarǵa da basymdyq beriledi. Oǵan Almaty-Óskemen, Úsharal-Dostyq, Beıneý-Aqjigit, Qalbataý-Maıqapshaǵaı, Aqtóbe-Atyraý-Reseı shekarasy baǵyttary kiredi. Qazirgi ýaqytta merdigerlik sharttarǵa qol qoıylyp, daıyndyq jumystary jasalyp jatyr», - dedi Ulan Álipov.

Qazaqstan joldaryn jóndeýge sheteldik ınvestorlar da qarjy quıyp otyr.

«Memlekettik emes qaryz esebinen memlekettik kepildikpen Eýropa qaıta qurý jáne damý bankimen jáne Qytaıdyń «EKSımBankimen» kelisim jasaldy. Tartylǵan qarajattyń esebinen Taldyqorǵan-Óskemen (763 shaqyrym), Qalbataý-Maıqapshaǵaı (415 shaqyrym), Merki-Býrylbaıtal (266 shaqyrym), Kúrti-Býrylbaıtal (143shaqyrym) ýchaskelerinde jumystar júrip jatyr», - dedi Ulan Álipov.

Onyń aıtýynsha, «QazAvtoJol» ulttyq kompanııasy óz strtegııasyn qaıta qarap jatyr. Budan bylaı negizgi basymdyq adam qaýipsizdigine beriletin bolady. Sol úshinde Nur-Sultan men Almatynyń arasyn jalǵaıtyn respýblıkalyq mańyzdaǵy joldardyń bárin 4 jolaqty, birinshi dárejeli joldarǵa aınaldyrý kózdelgen. Biz qazir qoǵamnyń strategııasyn qaıta qaraımyz. Al jol boıyndaǵy adam ólimin múlde joıý úshin Zero Vision júıesi engizilmek.

Avtor Esimjan Naqtybaı
Basty sózder: Kólik, Qurylys, Almaty, Nur-Sultan,
Joǵary qaraı