Aýa raıy
Astana 6 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Almaty áýejaıy júkterdiń joǵalýyna qatysty túsinik berdi

2019 jyldyń 26 naýryz 2019 12:14

ALMATY. QazAqparat - Almaty halyqaralyq áýejaıy jolaýshylardyń júkteriniń joǵalýyna qatysty narazylyǵyna jaýap berdi, dep habarlaıdy QazAqparat tilshisi.

Bul másele jóninde áýejaı basshylyǵy óziniń feısbýktegi resmı paraqshasynda jarııalady.

Buǵan deıin azamattar Almaty áýejaıynyń júk qabyldaý termınalyndaǵy keptelis týraly jazǵan bolatyn.

Jolaýshylardyń aıtýynsha, Túrikmenstannan kelgen júkterdiń kóptiginen júk termınalynda basqa reıs jolaýshylary óz júkterin ýaqytynda ala almaǵan.

Áýejaıdyń habarlaýynsha, Turkmenistan Airlines - Türkmen Howa Ýollary Almatydan 3 reıs ushyrady eken.

«Túrikmenstannan keletin reısterde únemi júk boıynsha problema bolady. Ashhabad áýejaıynda únemi júk tolyq kólemde tıelmeıdi. Ýaqytynda jetpegen júkti áýe kompanııasy uzaq ýaqyttan soń qaıta salyp jiberedi. Turkmenistan Airlines jolaýshylarynan qańtarda júk joǵalǵany týraly - 93, aqpanda - 293, naýryzda 118 shaǵym túsken. Odan bólek Ashhabad reısterinde bir adamǵa 32 keli bolatyn shekteýli salmaqtan asyp ketetin júkter óte kóp tirkeledi. Sáıkesinshe, áýejaıda olarǵa avıatsııalyq hattama toltyrylady. Almaty halyqaralyq áýejaıy olarǵa únemi eskertý jasaıdy. Biraq, Turkmenistan Airlines - Türkmen Howa Ýollary Almatydaǵy ókildigi áli bir ret eskertýdi eskergen emes», - dedi Almaty halyqaralyq áýejaıynyń baspasóz qyzmeti.

Joǵary qaraı