Aýa raıy
Astana 5 °S
Almaty 8 °S
valıýta baǵamy
USD 389.86
EUR 435.32
RUB 6.12
CNY 55.12

Allergııany emdemese demikpege ulasady - maman

2019 jyldyń 19 mamyr 2019 16:53

PETROPAVL. QazAqparat - Tabıǵat oıanyp, aınala jasyl jelekke bólenip jatqanda maýsymdyq allergııa keı adamdardy áýre-sarsańǵa salady. SQO aýrýhanasynyń pýlmanolog-dárigeri Vera Poplavskaıa maýsymdyq allergııa-pollınoz jaıynda, dertpen kúresý joldary týraly QazAqparat tilshisine aıtyp berdi.

Túshkirý, kózden parlap jas aǵý, kóz ben murynnyń qyshýy, bul - allergııa belgileriniń bir parasy ǵana.

Mamandar allergııany «ımmýndyq dert» deıdi. Maýsymdyq allergııanyń negizgi qozdyrǵyshy - gúl tozańy. Búgingi tańda allergııa týdyratyn júzden astam ósimdik belgili. Sonyń eń negizgisi - qaıyń aǵashy eken.

Allergııa - aǵzanyń keıbir zattarǵa asa sezimtaldyǵy. Búginde ol keń taraǵan dertterdiń birine aınalyp otyr. Allergııa keıbir tamaqqa, dári-dármekke, qoldanatyn hımııalyq zattar men kosmetıkaǵa, taǵy basqalaryna bolýy múmkin. Maýsymdyq allergııa sáýir-mamyr aılarynda aǵashtar gúldegende, maýsym-shildede - dándi daqyldar jáne tamyz-qyrkúıekte aram shópter gúl shashqanda bastalady eken.

«Aq qaıyńdar» ólkesi atanǵan Soltústik Qazaqstan oblysynan allergııasy bar keı adamdar kóktem ýaqytynda ýaqytsha qonys aýdarǵany durys. Óıtkeni qaıyń - eń negizgi allergen sanalady. Budan basqa ormanjańǵaq, úıeńki, tipti, alma aǵashy men shıeniń gúli de allergııa týdyrady. Al kópshilik negizgi qozdyrǵysh dep esepteıtin terek ulpasynyń pollınozǵa esh qatysy joq. Ol tek basqa ósimdikterdiń tozańyn tasymaldaýshy ǵana qyzmetin atqarady», - deıdi Vera Poplavskaıa.

Allergııasy bar adamdardyń tynys alý joldary qabynǵandyqtan tún uıqysy buzylady. Jótel, túshkirý, kózden, murynnan sý aǵý, tamaǵy men murny jybyrlap tez sharshaıtyn bolady. Belgileri tumaýǵa uqsas bolǵanymen, sýyq tııýden birneshe aıyrmashylyǵy bar.

«Allergııada eshqashan dene qyzýy kóterilmeıdi. Tumaýdan eń basty aıyrmashylyǵy da osy. Maýsymdyq allergııada tańerteń ózińdi jaısyz sezingenińmen, keshke jaǵdaıyń jaqsarady. Túnde jótel bastalýy múmkin. Jańbyrdan keıin saýyqqandaı bolasyń. Úıde ózińdi jaqsy sezinip, dalaǵa shyqqanda dert qozady», - deıdi dáriger.


null

Allergııany emdemese jyl saıyn aǵzanyń sezimtaldyǵy arta túsip, jańa qozdyrǵyshtar qosylyp otyrady. Sońy tynys demikpesine ulasyp, adam ólip te ketýi múmkin. Sol sebepti mamandar aýrýdy asqyndyrmaı mamanǵa júginýge keńes beredi. Dáriger eń aldymen adamnyń nege allergııasy barlyǵyn anyqtaıdy. Sodan keıin baryp gıstamınge qarsy, antıleıkotrıendi jáne gormondy preparattardy jazyp beredi.

«Pollınoz - uzaq emdelip jazylatyn dert. Allergııanyń saldaryn azaıtýǵa bolady. Ol úshin qarapaıym erejelerdi ustaný kerek. Qandaı ósimdiktiń tozańyna allergııa barlyǵyn bilgennen keıin, al ony bilý mindetti, onymen baılanysty azaıtqan jón. Gúldep bitkenshe deıin basqa jaqqa ketýge bolady. Ondaı múmkindik bolmasa dalaǵa tek asa qajettilik boıynsha ǵana shyǵý kerek.

Terezeni jabyq ustap, páterge aýa tazalaǵysh ornatýǵa bolady. Al syrtqa shyqqanda kózildirik pen maska kııýge keńes beremin. Ár syrtqa shyǵyp kelgen saıyn beti-qoldy jýyp, kıimdi aýystyrý qajet bolady. Dalaǵa qydyrýǵa tek jańbyrdan keıin, shań-tozań kóterilmeı turyp shyqqan jón», - deıdi Vera Vladımırovna.

Joǵary qaraı