Aýa raıy
Astana 9 °S
Almaty 13 °S
valıýta baǵamy
USD 389.62
EUR 429.98
RUB 6.06
CNY 55.08

Álıhan Smaıylov: LRT qurylys jobasy jalǵasady

2019 jyldyń 22 sáýir 2019 12:52

NUR-SULTAN. QazAqparat - Elordada jeńil relsti kólik qurylysy (LRT) boıynsha joba jalǵasyn tabady. Bul týraly Úkimet basshysynyń birinshi orynbasary - Qarjy mınıstri Álıhan Smaıylov málim etti, dep habarlaıdy QazAqparat tilshisi.

«Nur-Sultanda jeńil relsti kólik qurylysyna keler bolsaq, bul baǵyttaǵy jumys jalǵastyrýdy qajet etedi. Bul ınvestıtsııalyq joba júzege asyrylady. Qazirgi tańda Qytaıdyń Memlekettik damý bankimen kelissózder júrgizilip jatyr. Bul zaımdy qaıta qarjylandyrý týraly kelisetin sekildimiz, ıaǵnı osy jobany qarjylandyrýǵa qatysty el ishinde qarjy kózi izdeletin bolady», - deıdi Álıhan Smaıylov Úkimet otyrysynan keıin tilshilerdiń suraǵyna jaýap berip.

Mınıstr qazirgi ýaqytta jobany qaıta qarjylandyrý kózderi izdestirilip jatqanyn aıtyp ótti.

«Memlekettik damý banki jelisi boıynsha máseleler týyndaǵandyqtan, bul suraqtardy Nur-Sultan ákimdigine joldaýǵa bolady. Al biz, qaıta qarjylandyrý boıynsha basqa kózderdi izdestirýdemiz», - deıdi mınıstr.

Eske sala ketsek, ótken aptada LRT qurylysy ýaqytsha toqtatylǵanyn málim etken edi. Onyń aıtýynsha, sońǵy eki jylda elordada 12 iri nysan paıdalanýǵa berilse, bıyl tek 4 iri joba ǵana qolǵa alynyp otyr.

«Biraq onyń ishinde LRT jelisiniń qurylysyn toqtata turýǵa baılanysty ol da óziniń áserin berip otyr. Qazirgi kezde biz Úkimet pen Ulttyq bankpen birge bul máseleni ishki kózderden qarjylandyrýdy pysyqtaýdamyz. Sonymen qatar, qalanyń ınvestıtsııalyq jobalaryn respýblıkalyq bıýdjetten qarjylandyrý kólemi 198 mıllıard teńgeden 115 mıllıard teńgege deıin tómendeýi de óz áserin berip otyr», - dep atap kórsetti B.Sultanov.

Avtor Aıan Bekenuly
Basty sózder: Nur-Sultan, QR Úkimeti, Qurylys,
Joǵary qaraı