Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

«Álıev» qylmystyq tobynyń músheleri sottaldy

2019 jyldyń 23 mamyr 2019 10:18

NUR-SULTAN. QazAqparat - Almatyda burynǵy quqyq qorǵaý organdarynyń qyzmetkerlerinen turatyn qylmystyq top músheleri sottaldy. Olarǵa adam urlaý, tonaýmen aınalysty, qarý men jarylǵysh zattar saqtady degen aıyptar taǵyldy, dep habarlaıdy QazAqparat QR UQK baspasóz qyzmetine silteme jasap.

«15 mamyrda Almaty Qylmystyq ister boıynsha mamandandyrylǵan aýdanaralyq soty «Álıev» UQT jetekshisi Qadyr Álıevke jáne qylmystyq topqa qatysýshylar Ańsar Dartaevqa, Dmıtrıı Tereshın men Ersen Jumabaevqa úkim shyǵardy», delingen habarlamada.

Sottalǵandardyń tórteýi de QR QK 125-babynyń 2-b. 1, 8-tarmaqtarymen, 191-babynyń 4-b. 2-tarmaǵymen, 287-babynyń 3-b jáne 390-babynyń 2-b tarmaǵymen (adam urlaý, tonaý, qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý, bılik ókiliniń nemese jaýapty memlekettik laýazym atqaratyn laýazymdy adamnyń ataǵyn ózdiginen ıemdený) kózdelgen qylmystardy jasaǵany úshin kináli dep tanyldy.

UQT jetekshisi men oǵan qatysýshylar Q. Álıev, A. Dartaev, D. Tereshın men E. Jumabaev 7 jyl jáne 1 aıǵa bas bostandyǵynan aıyrýmen qaýipsizdigi ortasha túzeý mekemesinde jazasyn óteýge sottaldy.

Eske sala ketsek, 2018 jyly 10 qazanda Almatyda QR Ulttyq qaýipsizdik komıteti Іshki ister mınıstrligimen birlesip, Almaty oblysynyń turǵyny Q. Álıevtiń jetekshiligindegi asa qaýipti qarýly uıymdasqan qylmystyq top áreketin anyqtap, jolyn kesti.

Qylmystyq toptyń negizin burynǵy quqyq qorǵaý organdarynyń qyzmetkerleri quraǵan, olar 2018 jylǵy 13 qyrkúıekte Jambyl oblysynda Otar stansasynda kásipker R. Agalıýllınge qarýly shabýyl jasap, 107 myń dollar, 4 mıllıon rýbl jáne 23 myń eýro ıemdengen.

Tintý is-sharalary barysynda ustalǵandardan 8 tapansha pen qarý, 140 oq-dári, radıostansalar, jalǵan kólik nómirleri, betperdeler, kisender men basqa da qaraqshylyq jasaýǵa arnalǵan quraldar tabylyp, alyndy.

Basty sózder: Sot, Qylmyspen kúres, QR UQK,
Joǵary qaraı