Awa rayı
Astana -4 °S
Almatı -10 °S
valyuta bağamı
USD 367.30
EUR 419.68
RUB 5.58
CNY 52.91

Aleksandr Kwznecovqa іzdew jarïyalandı

2018 jıldıñ 15 qazan 2018 17:19 346

ALMATI. QazAqparat - Bostandıq awdandıq sotında «Çwkotka» barındağı töbeleste adam öltіrgenі üşіn sottalğan Aleksandr Kwznecovqa іzdew jarïyalandı, dep xabarlaydı QazAqparat tіlşіsі.

Munıñ aldında Bostandıq awdandıq № 2 sotına Bostandıq awdandıq ІІB-nen Aleksandr Kwznecovqa іzdew jarïyalaw twralı ötіnіş tüsken bolatın.

Polïcïyanıñ ötіnіşіn memlekettіk ayıptawşı Erlan Qulanbaev qoldadı. Qos taraptıñ pіkіrіn estіgen soñ swdya keñesw bölmesіne şığıp kettі.

«Bostandıq awdanı ІІB basşısınıñ A.Kwznecovqa іzdew jarïyalaw twralı ötіnіşі qanağattandırılsın. A.Kwznecovqa іzdew jarïyalansın», - dedі swdya Temіrjan Qudabaev.

Esterіñіzge sala keteyіk, 2015 jılı «Çwkotka» barınıñ aldındağı töbeles kezіnde Sırım Muratqalïev köz jumğan bolatın. Sol jıldıñ mawsımında bіrіnşі ïnstancïya sotı ayıptalwşı Kwznecovtı abaysızda adam öltіrіp alğanı üşіn 1,5 jılğa bas bostandığınan ayırdı.

Keyіnіrek, Almatı qalalıq sotınıñ apellyacïyalıq kollegïyası «Adam densawlığına qasaqana nuqsan keltіrw arqılı adam ölіmіne äkep soqtırw» babımen 8 jılğa bas bostandığınan ayırdı.

A.Kwznecov jazasın Almatı tübіndegі Zareçnıy awılındağı türmede ötep jatqan edі.

2018 jıldıñ 2 şіldesіnde Aleksandr Kwznecov türmeden bosap şıqtı. Sot onıñ ötelmegen 5 jılın ayıppulmen jabw twralı şeşіm qabıldadı.

Keyіn Almatı oblıstıq sotınıñ apellyacïyalıq kollegïyası adam öltіrgenі üşіn іstі bolğan Kwznecovtı kolonïyağa qaytarw jönіnde şeşіm şığardı.

Sot ükіmі şığatın künі Aleksandr Kwznecovtıñ Qazaqstan awmağınan ketіp qalğanı belgіlі boldı.

Avtor: Gülmïra Ğosmanälï
Bastı sözder: Almatı, Sot,
Joğarı qaray