Aýa raıy
Astana 22 °S
Almaty 28 °S
valıýta baǵamy
USD 384.39
EUR 431.71
RUB 6.11
CNY 55.88

Ál-Farabı atyndaǵy QazUÝ álemdegi úzdik 210 ýnıversıtettiń qataryna endi

2019 jyldyń 19 maýsym 2019 16:49 829

ALMATY. QazAqparat - Ál-Farabı atyndaǵy Qazaq ulttyq ýnıversıteti Ortalyq Azııa JOO-larynan jalǵyz bolyp QS «World University Rankings» halyqaralyq reıtıngisinde TOP-210-ǵa endi. Almatylyq joǵary mektep 13 qadam alǵa jyljyp, 207-orynǵa ornalasty. Reıtıngke eń úzdik 800 ýnıversıtet qatysqan.

Bul topqa postkeńestik keńistikten tek eki ýnıversıtet: QazUÝ jáne Lomonosov atyndaǵy Máskeý memlekettik ýnıversıteti (RF) endi. 

QS álemdegi úzdik bilim ordalaryna kóp jyldan beri ǵalamdyq reıtıng júrgizip kele jatqan bedeldi ári yqpaldy, barlyq elde moıyndalǵan halyqaralyq agenttik. Reıtıngide alǵashqy úsh oryndy AQSh ýnıversıtetteri: Massachýsets tehnologııalyq ınstıtýty, Stenford jáne Garvard ýnıversıtetteri ıelendi.

«QazUÝ elimizdiń jetekshi ýnıversıteti retinde Tuńǵysh Prezıdent - Elbasy Nursultan Nazarbev alǵa qoıǵan álemniń eń úzdik 200 ýnıversıtetiniń sanatyna ený boıynsha mańyzdy memlekettik mindetti júzege asyrý úshin maqsatty jumys isteýde. Sońǵy bes jylda ýnıversıtet «QS WUR» reıtınginde 400 satydan astam beleske kóterildi. Álemdik tájirıbede birde-bir JOO mundaı ósý qarqynyna kol jetkizgen emes! QS sarapshylarynyń usynysy boıynsha QazUÝ tájirıbesi álemdegi jetekshi ýnıversıtetterde zerttelýde. Mundaı kórsetkish bilim berý men ǵylymnyń álemdik naryǵyndaǵy ýnıversıtettiń joǵary básekege qabilettiliginiń dáleldi aıǵaǵy», - delingen qazaqstandyq JOO taratqan málimette.  

Aıta ketý kerek, «QS WUR by Subject» pándik reıtınginiń nátıjesinde QazUÝ TMD elderi joǵary oqý oryndarynyń arasynda birinshi bolyp álemdegi eń úzdik 51-100 topqa engen. Jalpy atalmysh reıtıngige jetekshi qazaqstandyq ýnıversıtettiń alty mamandyǵy kirdi.

Reıtıngilerdegi ozyq tájirıbelerdi jáne ǵalamdyq ǵylymı-bilim berý keńistigindegi QazUÝ róliniń artýyn eskere otyryp QS Qazaqstanda halyqaralyq forým ótkizýdi sheshti. Ýnıversıtettiń ǵana emes, sonymen qatar Qazaqstannyń búkil joǵary bilim berý júıesiniń álemdik bıik bedeliniń kórsetkishi bolyp tabylatyn «Adamı mura jáne joǵary tehnologııalar úılesimi negizinde jetilý» atty álemdik deńgeıdegi shara 2019 jyldyń qyrkúıeginde ál-Farabı atyndaǵy QazUÝ negizinde ótedi.


null 

QazUÝ ózge de bedeldi halyqaralyq reıtıngilerde qarqyndy serpilispen alǵa jyljýda. «Times Higher Education» Brıtandyq agenttiginiń zertteý nátıjesi boıynsha QazUÝ Ortalyq Azııada alǵash bolyp álemdegi eń úzdik JOO-lar tobyna kirdi. «UI Green Metric Ranking of World Universities» jahandyq reıtınginde QazUÝ 172 oryn alyp, úzdik 200 ekologııalyq ýnıversıtet qatarynda óz pozıtsııasyn nyǵaıta tústi. Eýropalyq ǵylymı-ónerkásiptik palatasy eýropalyq reıtınginde QazUÝ «AA» baǵasyn alyp, jetekshi eýropalyq joǵary oqý oryndarynyń tobyna endi. Tanymal halyqaralyq «Great Value Colleges» (AQSh) uıymynyń zertteý nátıjesi boıynsha QazUÝ álemniń tehnologııalyq eń damyǵan 50 ýnıversıtetiniń qataryna enip, 31-shi oryndy baǵyndyrdy.

Aýqymdy qurylymdyq modernızatsııalaý, nátıjelerge negizdelgen menedjmenttiń joǵary tıimdiligi jáne sońǵy bes jylda 50% deıin ósken biregeı ınfraqurylymnyń qarqyndy damýy QazUÝ-nyń reıtıngilerde alǵa jyljýynyń mańyzdy faktory boldy.

Ýnıversıtettiń álemdik deńgeıde tanylýy halyqaralyq áriptestik aıasynyń keńeıýimen jáne ınternatsıonalızatsııanyń damýymen, sonymen qatar QazUÝ-dyń BUU «Akademııalyq yqpal» baǵdarlamasynyń Turaqty damý jónindegi ǵalamdyq haby retindegi belsendi qyzmetimen baılanysty.

 

 

 

 

Basty sózder: Bilim, JOO-lar, Almaty, Aımaq,
Joǵary qaraı