Aýa raıy
Astana 25 °S
Almaty 28 °S
valıýta baǵamy
USD 386.80
EUR 429.27
RUB 5.78
CNY 54.89

Aqyly joldyń boıynda turatyn kólik ıeleri aqsha tóleı me

2019 jyldyń 19 shilde 2019 14:58 228

NUR-SULTAN. QazAqparat – Aldaǵy 3 jylda el aýmaǵynda 32 aqyly jol paıda bolady, dep habarlaıdy QazAqparat tilshisi. 

Bul týraly «QazAvtoJol» ulttyq kompanııasynyń strategııalyq josparlaý, bıznesti damytý jáne aqparattandyrý departamentiniń dırektory Rýstam Isaev aıtty.

«Qazirgi tańda aqyly jol 4 ýchaskede engizilgen. Olardyń jalpy uzyndyǵy - 682 shaqyrym. Atap aıtsaq, bul Nur-Sultan-Shýchınsk, Nur-Sultan-Temirtaý, Almaty-Qapshaǵaı jáne Almaty-Qorǵas bólikteri. Jol aqysyn onlaın júıede tóleýge de, jol boıyndaǵy arnaıy beketterde óteýge de bolady. Jol baǵasy ár ýchaskege jeke taǵaıyndalady. Onyń mólsherin ókiletti organ bekitedi. Jol aqysynyń mólsherin belgileýde kóliktiń túrine mán beriledi. Jeńil kólik ıeleri onlaın júıe arqyly aldyn ala tólegen jaǵdaıda jol baǵasynyń eki ese az tóleıdi. Mundaı jeńildik júk kólikteri úshin qarastyrylmaǵan», - deıdi ol.

Ulttyq kompanııa ókiliniń aıtýynsha, aldyn ala tólemniń 20 túri bar. Termınaldar men ınternet-bankıng, elektrondy ámııan jáne birneshe banktiń onlaın servısi arqyly tóleý qazirdiń ózinde múmkin.

«Jol sapasyna, kompanııanyń qyzmetine qatysty syn-pikirlerdi de ınternet arqyly qabyldaıtyn bolamyz. Qarapaıym tásilmen arnaıy qosymshada tirkelý arqyly júrgizýshiler men jolaýshylar óz saýaldaryn joldaıdy. Oǵan kompanııa mamandary mindetti túrde jaýap beredi. Telegram-bot arqyly aqyly ýchaskelerdiń baǵasyn bilýge de bolady», - degen Rýstam Isaev aqyly jol mańyndaǵy eldi mekende turatyn kólik ıelerine qoıylyp otyrǵan shartyń mán-jaıyn túsindirdi.

«Aqyly ýchaskelerdiń aýmaǵyndaǵy eldi mekenderde tirkelgen kólikter úshin jylyna 1 000 teńge kóleminde baǵa bekitilgen. ıAǵnı, jergilikti kólik ıeleri jylyna bir ret osy somany tóleý arqyly atalmysh ýchaskede shekteýsiz júre alady. Ondaı abonenttik tólemdi rásimdeý úshin jol aqysyn qabyldaıtyn beketke kóliktiń tehnıkalyq tólqujaty men tehnıka ıesiniń jeke kýáligin aparý qajet. Sońǵy 2-3 jylda aqyly joldar sanyn 32 ýchaskege kóbeıtý josparlanǵan. Olardyń jalpy uzyndyǵy 11 myń shaqyrym bolady. Bul ýchaskelerde tólem aldyn ala tóleý júıesi arqyly júrgizilýi tıis. Qazir sol boıynsha joba daıyndap jatyrmyz. Jol aqysynan túsken barlyq qarajat ony kútip ustaýǵa ketedi», - dedi departament dırektory.

Aıta ketsek, ortalyq kommýnıkatsııalar qyzmetinde ótken brıfıngte jol boıynda taza ári jaıly dárethanasy joq servıster súrilýi múmkin ekeni málim etilgen bolatyn. «QazAvtoJol» ókilderi jol boıyndaǵy dárethanalardyń tazalyǵyna kim jaýapty ekenin de aıtty

Joǵary qaraı