Aýa raıy
Astana 22 °S
Almaty 26 °S
valıýta baǵamy
USD 386.04
EUR 427.77
RUB 5.88
CNY 54.45

Aktrısa ólimine aıypty Gelandewagen júrgizýshisi sońǵy sózin aıtty

2019 jyldyń 18 aqpan 2019 17:34 1321

ALMATY. QazAqparat - Úsh adamnyń ómirin qıǵan jol apatyna aıypty Gelandewagen kóliginiń júrgizýshisi sotta sońǵy sózin aıtty, dep habarlaıdy QazAqparat tilshisi.

«Qurmetti sot, Sholpan Ǵabdýlmýlınova, Dınara Hamıtova, Baqytnur Qunapııaulynyń týystary, men sizderden orny tolmas qaıǵy úshin keshirim suraımyn. Bulaı bolǵanyna ókinemin. Maǵan osy aýyr oımen ómir súrýdiń ózi qıyn. Aızada Satybaldıevanyń densaýlyǵynyń zardap keltirgenim úshin de keshirim suraımyn. Almaty men Qazaqstan turǵyndarynan keshirim suraımyn. Barlyq bap boıynsha aıybymdy moıyndaımyn. Biraq, ishken joqpyn. Obektıvti sheshim shyǵarýyńyzdy suraımyn. Meni osy otbasylarǵa kómektesý múmkindiginen, eńbek etý múmkindiginen ajyratpaýyńyzdy suraımyn. Men adam óltirgim kelgen joq», - dedi Іlııas Kar.

Munyń aldynda memlekettik aıyptaýshy Іlııas Kardy 8 jylǵa bas bostandyǵynan aıyrýdy suraǵan bolatyn.

Aıta ketý kerek, qaıǵyly oqıǵa 29 jeltoqsanda bolǵan edi. Abaı men Seıfýllın kósheleriniń qıylysynda Gelandewagen baǵdarshamnyń qyzyl túsine ótip Galant kóligin soqqan. Jol apatynan 3 adam - Galant júrgizýshisi men eki jolaýshy kóz jumdy. Olardyń biri belgili aktrısa Sholpan Elgezek. Keıin 34 jastaǵy Gelandewagen júrgizýshisi mas bolǵany anyqtaldy. 

Gelandewagen markaly avtomobıl júrgizýshisi, 1985 jylǵy Kar Іlııas QR QK-niń 345-baby men 347-baby boıynsha sot aldynda jaýap berdi.

Aıta keteıik, atalǵan jol apatynan aman qalǵan jalǵyz jolaýshy - aktrısa Aızada Satybaldıeva aýyr halde aýrýhanaǵa tústi. 

 

Avtor Gúlmıra Ǵosmanálı
Basty sózder: Kólik, Sot, Almaty,
Joǵary qaraı