Aýa raıy
Astana 18 °S
Almaty 32 °S
valıýta baǵamy
USD 384.52
EUR 431.32
RUB 6.10
CNY 55.89

Aqtoty Raıymqulova Mádenıet jáne sport mınıstri bolyp taǵaıyndaldy

2019 jyldyń 17 maýsym 2019 16:07 1490

 NUR-SULTAN. QazAqparat - QR Prezıdenti Qasym-Jomart Toqaev elimizdiń Mádenıet jáne sport mınıstri laýazymyna Aqtoty Raıymqulovany taǵaıyndady, dep habarlaıdy QazAqparat Aqordaǵa silteme jasap.

«Aqtoty Rahmatollaqyzy Raıymqulova Qazaqstan Respýblıkasynyń Mádenıet jáne sport mınıstri bolyp taǵaıyndalsyn», - delingen Memleket basshysynyń Jarlyǵynda.

Aqtoty Rahmetollaqyzy Qurmanǵazy atyndaǵy Almaty memlekettik konservatorııasynyń kompozıtsııa jáne fortepıano mamandyqtary boıynsha túlegi. Kóptegen mýzykalyq týyndylardyń avtory, olardyń ishinde «El baqyty», «Apple of Peace», «Kókjal» kantatysy, «Tolǵaý», «Dala syry» jáne «Jámılıa», sımfonııalyq poemalarynyń, «Aspan kóshi» eki aktili baleti, «Alataý» pesasy, «Sońǵy sezim», «Tuzdy shól», «Abaı», «Eńlik-Kebek», «Abylaıhan», «Estaıdyń Qorlany», «Gamlet», «Qorqyttyń kóri», «Syǵan serenadasy» sekildi spektaklderge mýzykalyq týyndylardyń, fılmder men serıaldarǵa saýndtrekterdiń avtory.

Túrli jyldary Qurmanǵazy atyndaǵy Almaty memlekettik konservatorııasynyń kontsertmeısteri jáne oqytýshysy, Qazaq memlekettik qyzdar pedagogıgalyq ınstıtýtynyń oqytýshysy bolyp qyzmet etti. QR Mádenıet mınıstrliginiń Mádenıet jáne óner isteri komıtetiniń tóraıymy boldy.

2014 jyldan bastap QR Mádenıet jáne sport mınıstrliginiń Mádenıet jáne óner isteri departamentiniń dırektory qyzmetin atqardy.  Jańa qyzmetke taǵaıyndalǵanǵa deıin QR Mádenıet jáne sport vıtse-mınıstri laýazymynda boldy.

 

 

Avtor Marlan Jıembaı
Basty sózder: Aqorda, Taǵaıyndaý,
Joǵary qaraı