Aýa raıy
Astana 8 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Aqtóbelik kólikte umyt qaldyrǵan 2 mln teńgeni ıesine qaıtaryp berdi

2019 jyldyń 13 sáýir 2019 11:34

AQTÓBE. QazAqparat - Aqtóbelik Saılaýbaı Baımenshın jolaýshynyń umyt qaldyrǵan 2 mıllıon teńge aqshasyn qaıtaryp berdi, dep habarlaıdy QazAqparat tilshisi.

Aqtóbe turǵyny Saılaýbek Baımenshın jol boıynan kólik toqtatyp minip, dittegen jerine barǵan jolaýshysynyń qomaqty aqshasy bar shaǵyn sómkeni umyt qaldyrǵanyn múlde bilmegen. Sol kúni nemerelerin balabaqshaǵa aparyp, aıaq astynda qalǵan sómkeni kórdi. Іshinde aqsha baryn kórgenimen ony úıine alyp kirmegen, otbasymen aqyldasyp telearna arqyly júgirtpe jol berýge kelisti. Biraq jolaýshy sómke toly aqshasyn joǵaltyp alǵanyn áleýmettik jelige jarııalap, kómek surady.

"Áleýmettik jelige telefon nómiri shyqqan soń birden habarlasyp, ózim aparyp berdim. Qýanyshtan qoly dirildep ketti. Qolyna sómkesin alǵanda ishindegi aqshasyn da sanamady. Sol jerde meniń jeke kýáligimdi fotoǵa túsirip alyp, áleýmettik jeli arqyly da alǵysyn bildirdi. Buryn mundaı aqsha tapqanym joq, birinshi ret kezdesip turmyn", - dedi Saılaýbaı Baımenshın. Ol Jańajol gaz óńdeý kesheninde mehanık bolyp jumys isteıdi. Úsh balasy, nemereleri bar.
Joldasy Sáýle Baımenshınanyń aıtýynsha, aqsha joǵaltqan otbasy kólik toqtaǵan dúkenniń de beınekamerasyn qaraǵan eken. Biraq alys bolǵan soń kólik nómirin anyqtaý múmkin bolmapty.

"Sómke ishindegi aqshany biz sanamadyq. Eki adamnyń jeke kýáligi boldy. Júgirtpe jolǵa habarlandyrý berý nemese salyq basqarmasyna baryp, telefondaryn bilý týraly oılaǵan edik. Ózi jelige jazǵan soń birden telefon shaldyq", - dedi ol.

Joǵary qaraı