Awa rayı
Astana -5 °S
Almatı 7 °S
valyuta bağamı
USD 376.40
EUR 427.36
RUB 5.86
CNY 56.08

Aqtöbelіk balalarğa densawlığına qawіptі tağamdar berіlgen

2019 jıldıñ 22 aqpan 2019 11:15 476

AQTÖBE. QazAqparat - Aqtöbede balabaqşa men mektepterde balalardıñ densawlığına zïyandı tağamdar berіlgen. Bul derektі oblıstıq qoğamdıq densawlıq saqtaw departamentі anıqtadı, dep xabarlaydı QazAqparat tіlşіsі.

Aqtöbede balabaqşalar men mektepterde balalarğa berwge tıyım salınğan tağamdar anıqtaldı.

Aqtöbe oblıstıq qoğamdıq densawlıq saqtaw departamentіnіñ xabarlawınşa, 2018 jılı 3 derek tіrkeldі. Qobda awdanında ornalasqan «Balawsa» balabaqşasında kremі bar kondïterlіk önіmdі paydalanğan, sonımen qatar mektep asxanaların tekserw barısında Märtök awdanındağı Şevçenko negіzgі mektebі jäne Xazret orta mektebі asxanalarında qwırılğan bälіş satılğanı belgіlі boldı.

«Sanïtarïyalıq talaptar buzılıp, jawaptı adamdarğa äkіmşіlіk quqıqbuzwşılıq xattama toltırıldı. Barlığı 120 mıñ teñgeden astam ayıppul salındı. Mektepterde gazdalğan, emdіk jäne emdіk-asxanalıq mïneraldıq swdı, tättі alkogolsіz swsındardı, alkogolsіz energetïkalıq swsındardı, fast-fwdtar, keptіrіlgen, qıtırlaq nandı jäne aşı tuzdıqtar, ketçwptar, aşı dämdewіşterdі dayındawğa jäne ötkіzwge tıyım salınatındığı twralı tüsіndіrw jumıstarı jürgіzіldі», - dedі Aqtöbe oblıstıq qoğamdıq densawlıq saqtaw departamentіnіñ baspasöz qızmetі.

Eske sala keteyіk, «Aynalayın» jekemenşіk balabaqşasınıñ tärbïeşіsі dïrektor onı soqqığa jıqqanın mälіm etken bolatın. Oğan sebep, tärbïeşіnіñ mekemedegі «bılıqtardı» foto, vïdeoğa tüsіrіp, älewmettіk jelіde jarïyalawı. Dïrektor jelіdegі ayıptawlarmen kelіspegen. Mekeme qızmetіn waqıtşa toqtattı.

Keyіn, bіr top ata-ana bolğan oqïğa saldarınan balalarğa moraldıq nuqsan kelgenіn aytıp, tölegen aqşaların qaytarwdı talap ettі.

Balalarğa tamaq durıs berіlmeytіnі, tösek orındarınıñ jetіspeytіnі twralı tärbïeşіnіñ ayıptawları jeke tekserіlwde. 

 

 

Joğarı qaray