Aýa raıy
Astana 6 °S
Almaty 3 °S
valıýta baǵamy
USD 389.98
EUR 434.01
RUB 6.10
CNY 55.04

Aqtóbedegi jýrnalıst ólimi: Lıft jóndegen mehanık 4 jylǵa sottaldy

2018 jyldyń 19 qazan 2018 13:07

AQTÓBE. QazAqparat - Aqtóbe qalalyq sotynda lıftidegi qaıǵyly oqıǵaǵa baılanysty sot úkimi shyqty, dep habarlaıdy QazAqparat tilshisi sot zalynan.

Jýrnalıst Aızat Ábdisamattyń qazasyna baılanysty lıftini jóndep, iske qosýdy óz mindetine alǵan «Janabek Servıs»JShS dırektory Kenen Janabekov pen bir rettik jóndeý jumysyn júrgizgen mehanık Jarylqasyn Aqjanov aıypty dep tanyldy.

«Kenen Janabekov Qylmystyq kodekstiń 306- baby 3-tarmaǵy boıynsha aıypty dep tanyp, 4 jylǵa shartty túrde bas bostandyǵynan aıyrý jazasy taǵaıyndaldy. Jarylqasyn Aqjanov aıyptydep tanylyp, 4 jylǵa bas bostandyǵynan aıyrý jazasy taǵaıyndaldy. Ol sot zalynan qamaýǵa alyndy», - dedi sýdıa Erbol Ábdihalyqov. Jarylqasyn Aqjanov 2 mıllıon teńge moraldyq shyǵyn óteýi tıis.

Eske salsaq, osy jyldyń sáýir aıynda jýrnalıst Aızat Ábdisamat lıft esigine qysylyp, qaıtys bolǵan edi. Osy oqıǵaǵa baılanysty Qylmystyq kodekstiń «Qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý» baby boıynsha qylmystyq is qozǵaldy.

Sot bastalmas buryn Aızat Ábdisamattyń anasy kináli adamdardyń jazalanýyn surady. Al prokýrorlar sottalýshylardy aıypty dep tanyp, 4 jylǵa bas bostandyǵynan aıyrý jazasyn taǵaıyndaýdy ótindi.




null

Avtor Altynaı Saǵyndyqova
Basty sózder: Aqtóbe oblysy, Oqıǵa, Zań, Sot,
Joǵary qaraı