Aýa raıy
Astana 6 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Aqtóbede jol apatynan bir oqýshy kóz jumyp, ekinshisi aýrýhanaǵa tústi

2019 jyldyń 26 naýryz 2019 15:39

AQTÓBE. QazAqparat - Aqtóbede jas jigit kóligimen mektep oqýshylaryn qaǵyp ketti. Olardyń biri oqıǵa ornynda kóz jumdy, ekinshisi aýrýhanaǵa jetkizildi, dep habarlaıdy QazAqparat tilshisi.

Oqıǵa 24 naýryz kúni keshqurym Edige batyr dańǵyly boıynda oryn aldy.

«Opel-Vektra» avtokóliginiń 20 jastaǵy júrgizýshisi mektep oqýshylaryn qaǵyp ketti. Jaıaý júrginshiler jolaǵynan ótip bara jatqan eki oqýshynyń biri oqıǵa ornynda kóz jumsa, ekinshisi aýrýhanaǵa jetkizildi», - dep habarlady oblystyq Polıtsııa departamentiniń baspasóz qyzmetinen.

Sot-medıtsınalyq saraptama taǵaıyndalyp, 20 jastaǵy júrgizýshi ýaqytsha ustaý ızolıatoryna qamaldy. Medıtsınalyq saraptama kezinde júrgizýshiniń ishimdik ishpegeni anyqtaldy. Qylmystyq kodekstiń 345-baby 3-bóligimen is qozǵalyp, tergeý júrip jatyr.

Oblystyq Densaýlyq saqtaý basqarmasynyń baspasóz qyzmeti Aqtóbe medıtsına ortalyǵyna jetkizilgen 15 jastaǵy jasóspirimniń densaýlyǵy týraly málim etti.

«Qazir naýqastyń jaǵdaıy turaqty, qan aınalymy birqalypty. Jansaqtaý bóliminde em qabyldaýyn jalǵastyrady. Bala esin biledi», - dedi vedomstvodan.

Aıta keteıik, jyl basynan Aqtóbede jol-kólik apattary saldarynan 27 bala túrli dene jaraqatyn aldy.

Joǵary qaraı