Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Aqtóbede sábıli bolýdy armandaǵan 20 jastaǵy kelinshek operatsııa ústelinde kóz jumdy

2019 jyldyń 15 qazan 2019 13:22

AQTÓBE. QazAqparat - Bir jylǵa jýyq ýaqyt boıy gınekologııa kabınetinde em qabyldaǵan Gúldana Nurmaǵambetova operatsııa ústelinde kóz jumdy, dep habarlaıdy QazAqparat tilshisi.

Aıdos pen Gúldana Nurmaǵambetovter 1 jyldan astam ýaqyt buryn otaý quryp, balaly bolýdy armandady. Gúldana Nurmaǵambetova 8 aı boıy gınekologııalyq aýrýlarǵa baılanysty jeke klınıkada em qabyldaǵan. Sońǵy emi kezinde dárini qatty aýyrsynyp, operatsııa ústelinde kóz jumdy.




«Eń jaqsy emdeý ornyna kelip, bala úshin aqsha aıamaǵan edik. Sol kúni oǵan jambasyna ekpe jasady. Dárigerler allergııalyq keri áseri bar ma, joq pa dep suramady, aqyldaspady. Ota kabınetine kirgen soń qatty aıqaılap, men kúdiktene bastadym. Sol kezde ol esinen aıyrylyp qaldy. Biri dárige keri áseri bar dep, ekinshisi júregi toqtap qalǵan dep aıtty. Kóz aldymyzda saý adamnan aıyrylyp qaldyq. Meni eki saǵat boıy «bári jaqsy» dep janyna kirgizbedi», - deıdi kúıeýi Aıdos Nurmaǵambetov.

Onyń aıtýynsha, jedel járdem 40 mınýttan soń kelgen.




«Otaǵa 4:30-da alyp ketti, men 6:30-da ǵana kirdim. Sol kezde murny men qulaǵynan qan ketken, kelinshegimniń denesi sýyp qalǵan. Deni saý adam dárigerler janynda kóz jumdy. Men qylmystyq jaýapkershilikke tartylyp, jazalanǵanyn qalaımyn. Mundaı jaǵdaı basqa otbasynda qaıtalanbaýy tıis. Sotqa aryz jazamyn. Keshirim surady, biraq jaýap berýi tıis. Kelinshegim Gúldana aqjarqyn, kóńildi adam edi. Ol 20 jastaǵy perishte. Armanymyz, maqsatymyz kóp boldy. Ol 5 mınýttan soń kelemin dep kúlip ketti», - deıdi Aıdos Nurmaǵambetov.




Oqıǵa bolǵan «Álııa» medıtsınalyq ortalyǵynyń basshysy Álııa Shangaraeva oqıǵa bolǵanyn, polıtsııa tergeý júrgizip jatqanyn rastady.

«Qaıǵyly jaǵdaı boldy. Jas kelinshek kóz jumǵan soń oblystyq densaýlyq saqtaý basqarmasy, oblystyq polıtsııa departamenti tergeýdi bastady. Komıssııanyń qorytyndysyn aıtpaı qandaı da bir aqparat bere almaımyn. Aldyn ala belgili bolǵany emdelýshi dáriden anafılaktıkalyq shok alǵan. Jas kelinshek buryn da osy emdeý ortalyǵyna qaraldy. Buryn allergııalyq keri áseri tirkelmedi», - dedi Álııa Shangaraeva.

Joǵary qaraı