Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Aqtóbede qarııalardyń bos ýaqytyn tıimdi ótkizýge arnalǵan ortalyq ashyldy

2019 jyldyń 22 aqpan 2019 00:25 1489

 AQTÓBE. QazAqparat - Aqtóbe qalasynda zeınet jasyndaǵy qarııalardyń bos ýaqytyn tıimdi ótkizýge arnalǵan ortalyq ashyldy. Munda bes baǵyt boıynsha jumys júrgiziledi, dep habarlaıdy QazAqparat tilshisi.

Aqtóbede belsendi ómir súrý ortalyǵy ashyldy. Ortalyqta alty sektsııa bar. Olar: salaýatty ómir salty, quqyq jáne psıhologııa, qyzyǵýshylyqtar boıynsha klýbtar, áńgimelesý jáne til úırený klýbtary, kompıýterlik saýattylyqty arttyrý. Zeınetkerler ortalyqta basseınge júzip, mýzykalyq aspapta da oınaı alady.

«Keıbiri zeınetkerlikke shyqqannan keıin kúnkóris qamymen júrgen bala-shaǵasynyń jaǵdaıyn oılap, kúızeliske salynady. Taǵy bir toby nemerelerin baǵady. Al bul ortalyq ár salanyń adamdaryn bir arnaǵa toǵystyryp, buryn ýaqyt tappaǵan qyzyqty isterimen aınalysýǵa múmkindik beredi. Ózim medıtsına salasynda eńbek ettim. Dombyra, skrıpkada oınaǵandy unatamyn. Serýendegendi jaqsy kóremin, shahmat oınaımyn. Osy istermen turaqty aınalysatyn bolamyn», - dedi 80 jastan asqan dáriger Serǵazy Qorǵanbekov.



Aıta keteıik, «Nur Otan» partııasynyń «Ardagerlerdi ardaqtaıyq» jobasy aıasynda iske asyryldy. «Ortalyq ashýdaǵy negizgi maqsat - egde jastaǵy adamdardyń densaýlyǵyn shynyqtyrý, qoldaý jáne medıtsınalyq, psıhologııalyq, quqyqtyq kómek kórsetý. Olardyń ıntellektýaldyq, shyǵarmashylyq qabiletterin qoǵamdy damytýǵa tıimdi paıdalaný», - dedi partııanyń Aqtóbe oblystyq fılıaly tóraǵasynyń orynbasary Nurhan Aqnııaz.



Avtor Altynaı Saǵyndyqova
Basty sózder: Qoǵam, Aqtóbe oblysy,
Joǵary qaraı