Awa rayı
Nur-Sultan 16 °S
Almatı 16 °S
valyuta bağamı
USD 379.59
EUR 429.43
RUB 5.91
CNY 56.58

Aqtöbede darındı oqwşılar töbelesіp, bіrewі pışaq jaraqatımen awrwxanağa tüstі

2018 jıldıñ 13 jeltoqsan 2018 14:41 956

AQTÖBE. QazAqparat - M.Qusayınov atındağı Aqtöbe oblıstıq darındı balalarğa arnalğan mamandandırılğan mektep-ïnternatıñ oqwşıları töbelesіp qaldı. Bіr oqwşı pışaq jaraqatımen awrwxanağa tüsken, dep xabarlaydı QazAqparat tіlşіsі. 

Aqtöbe mektebіnde tağı oqwşılar töbelesіp qaldı. Bul jolı öñіrdegі eñ üzdіk, bіlіmdі balalar oqïtın mektep-ïnternattıñ oqwşıları janjaldasıp, bіrі ekіnşіsіne pışaq jaraqatın saldı.

«Balalar arasındağı şekіsw senbі künі tіrkeldі. Sol künі 9-11 sınıp oqwşıları üyіrmege, sabaqqa kelgen. Sabaq üstіnde bіrіnіñ qorabı tömen tüsіp ketіp, oqwşılar arasında balağat söz aytılğan. Bіrі ekіnşіsіnіñ sözіn kötere almağan sekіldі. Pışaq boldı ma, bolmadı ma degen suraqqa jawap bere almaymın. Oqwşı sol künі üyіne barıp, keyіn ata-anası awrwxanağa jetkіzdі. Jäbіrlenwşі öz üyіnen kelіp, oqıp jürgen qala balası. Al jaraqattağan awıl balası. Ol mekteptіñ ïnternatında jatıp, bіlіm aladı», - dedі M.Qusayınov atındağı Aqtöbe oblıstıq darındı balalarğa arnalğan mamandandırılğan mektep-ïnternatıñ dïrektorı Gülnar Täjіğalïeva.



null

Ustazdarı oqwşılardıñ sabaq ülgerіmі öte jaqsı dep otır. Al töbelessіp qalğan oqwşılar 10 «A» jäne 10 «Ä» sınıbında oqïdı. Qazіr pışaq jaraqatın alğan oqwşı oblıstıq balalar awrwxanasınıñ xïrwrgïya bölіmіnde em alıp jatır. Därіgerler ota jasap, pışaq jaraqatınıñ ornın tіgіp bergen.

«8 jeltoqsan künі sağat 15:00-de jedel järdem brïgadası 16 jastağı balanı äkeldі.  Nawqastıñ aytwınşa, sağat 12:00-der şamasında Ortalıq bazar mañında pışaq jaraqatın alğan. Tüsken kezde jağdayı ortaşa awır boldı. Alğaşqı kömek körsetіlіp, sol jaq kewde tusındağı jaraqat jürekke jaqın bolğan soñ ota jasaldı. Qazіr balanıñ jağdayı ortaşa. Pışaq qïğaş tïgen eken. Tekserw kezіnde pışaq 5-6 sm kіrgenі anıqtaldı», - dedі oblıstıq balalar awrwxanası bas därіgerіnіñ emdew іsі jönіndegі orınbasarı Sağïdolla Dosmağambetov.



null

Därіgerler polïcïya qızmetkerlerіn de şaqırğan.

Eske salsaq, buğan deyіn Aqtöbede qazan ayında №73 orta mektepte oqwşıları janjaldasıp, bіrі ekіnşіsіne pışaq suğıp alğan bolatın.

Keyіn munday jağdayı №14 orta mektebіnde tіrkelіp, ata-anaları qılmıstıq jawapkerşіlіkke tartıldı. 

 

 

 

 

Joğarı qaray