Aýa raıy
Astana 19 °S
Almaty 32 °S
valıýta baǵamy
USD 386.05
EUR 428.25
RUB 5.84
CNY 54.65

Aqtóbede aýyl sharýashylyǵy tehnıkalarynyń kórmesi ótti

2019 jyldyń 14 shilde 2019 21:43 258

AQTÓBE. QazAqparat - Aqtóbede «Egistik kúni» aýyl sharýashylyǵy tehnıkalarynyń kórmesi men sharýalarǵa arnalǵan semınar ótti, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Mártók aýdany Rodnıkovka aýylynda ótken jıynǵa oblys ákimi Ońdasyn Orazalın de qatysty. Ári 160-tan astam sharýa kelip, ortaq máselelerin talqylady. Olardyń arasynda Batys, Soltústik Qazaqstan, Qostanaı oblystarynan kelgen mamandar bar.




«Bıyl «Rodnıkı Agro», «Bordo Indastrıs», «Týrkýaz Mashenerı», Evrazııa grýp» sekildi birneshe sharýa qojalyǵy zamanaýı aýyl sharýashylyq tehnıkalaryn kórsetti. Máselen, «Rodnıkı Agro» JShS taıaýja 1,3 mıllıard teńgege traktor, kombaın jáne ózge de sońǵy úlgidegi ozyq tehnıkalardy satyp alǵan.



«Egistik kúniniń» maqsaty Aqtóbe óńiriniń aýylsharýashylyq salasyndaǵy tsıfrlandyrý júıesin kórsetý, ózge óńirdiń mamandarymen tájirıbe almasý bolyp tabylady. Bıyl oblysta 786 myń ga jerge ártúrli maıly daqyl, dándi-daqyl, kókónis, jemis-jıdek egilgen. Bul ótken jylmen salystyrǵanda 8 % artyq. 

Sonymen qatar Aqtóbe oblysynyń egin sharýashylyǵyna 4,4 mlrd teńge qarjy bólingen. Qarjynyń 800 mln teńgesi sýbsıdııaǵa arnalǵan. Bul sharýalardyń kásibin damytýǵa jasalǵan úlken múmkindik. Tehnıkalyq kórmeden soń mamandar basqosty. Olar Aqtóbe óńirindegi egin salasyn odan ári damytý joldaryn talqylap, pikirlerin bildirdi. 

Jıyn sońynda Ońdasyn Orazalın aýylsharýashylyq basqarmasynyń basshysy Qusaıyn Sársenbaevqa saladaǵy eski tehnıkalardan arylyp, aldaǵy ýaqytta jańalaýdy, sońǵy úlgidegi tehnıkalardy engizip, eńbek ónimdiligin arttyrýdy tapsyrdy.



Joǵary qaraı