Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

Aqtaýlyq boıjetken azamattyǵyn qaıtarǵany úshin Prezıdentke alǵys aıtty

2019 jyldyń 16 shilde 2019 20:57 319

NUR-SULTAN. QazAqparat – Aqtaý qalasynyń turǵyny Dıana Stepına ózine QR azamattyǵyn qaıtaryp berý týraly sheshimi úshin Prezıdent Qasym-Jomart Toqaevqa alǵys aıtty, dep habarlaıdy QazAqparat.

«Ótken jyly kúzde Qazaqstan azamattyǵynan bas tartý týraly aryz jazǵan edim. Ol kezde kámelet jasqa tolmaǵan edim, saldary ne bolaryn tipti oılamadym. 2019 jyldyń 11 maýsymynda kóshi-qon polıtsııasynan habarlasyp, meniń QR azamattyǵynan shyǵýym týraly Jarlyq shyqqanyn aıtty. Eki kún buryn ǵana saılaýǵa baryp, Toqaevqa daýys berip edim», - dep jazdy Dıana óziniń Instagram paraqshasyna.

Dıana kóshi-qon polıtsııasynan telefon qońyraýyn kútpegenin jazdy.

«Sonda ǵana ózimniń oılanbaı qadam jasaǵanyma ókindim. Biz tipti ózge eldiń azamattyǵyn alýǵa ótinim de jazǵan joq edik. Qazaqstan – meniń Otanym, meniń búkil ómirim ǵajaıyp Aqtaý qalasymen tyǵyz baılanysty. Meniń ákem orys, anam qyrǵyz. Men ózimniń týǵan qalamdy súıemin, osynda «Daryn» mektebinde oqydym. Kóshi-qon polıtsııasy habarlasqan kúni-aq, Qasym-Jomart Toqaevqa vırtýaldy túrde habarlasyp, azamattyǵymdy qaıtarýdy suradym. Mine, bir aıdan keıin jaǵymdy jańalyq keldi. Prezıdent meniń azamattyǵymdy qalpyna keltirý týraly Jarlyqqa qol qoıdy. Osy kúndi qatty kúttim. Meniń hatyma jaýap bergenińizge qýanyshtymyn. Meni Qazaqstanda jarqyn bolashaq kútip turǵanyna senemin», - dep jazdy boıjetken.

Aıta keteıik, Aqorda saıtynda QR Prezıdenti Qasym-Jomart Toqaevtyń vırtýaldy qabyldaýy ashyldy. Onda respýblıka azamattary jeke nemese qoǵamdyq sıpattaǵy túrli máselelerdi jaza alady. Árbir hat resmı tirkeledi, ony Prezıdent pen Ákimshilik qyzmetkerleri qarastyrady.


Joǵary qaraı