Awa rayı
Astana -7 °S
Almatı 4 °S
valyuta bağamı
USD 375.90
EUR 426.65
RUB 5.82
CNY 55.99

Aqtawda dïrektor men tärbïeşіnіñ «töbelesі»: Ata-analar aqşaların qaytarwdı talap ettі

2019 jıldıñ 18 aqpan 2019 14:44 967

AQTAW. QazAqparat - Aqtawda dïrektorı men tärbïeşіsі «töbelesken» balabaqşağa balaların bergen ata-analar tölep kelgen aqşaların qaytarwdı talap etwde, dep xabarlaydı QazAqparat tіlşіsі.

Bіr top ata-ana «Aynalayın» balabaqşasınıñ aldına jïnaldı. Olar mekemede bolğan jağday saldarınan balalarğa moraldıq nuqsan keldі dep sanaydı. Aytwlarınşa, töbelestіñ kwägerі bolğan balalar bіrneşe künnen berі mazasız, uyqıları tınışsız. Sözderіne sensek, baldırğandar balabaqşada 10 kün boyı durıs tamaqtanbağan.

«Balalarım balabaqşadan soñ üyge kelgende asqa jügіredі. Bul qalay? Olar kіşkentay porcïya jegen. Nege qaramaydı? Balabaqşağa beynebaqılaw qoyılıp, tıñdalatın qurılğılar ornatılsın. Eñ bolmasa, keşіrіm de surağan joq», - deydі säbïlerdіñ bіrіnіñ anası Madïna Besembaeva.

Tärbïeşіnіñ älewmettіk jelіde jarïyalağan jazbalarına senіp otırğan jäne kerіsіnşe, dïrektordı qoldap, olardı terіske şığarıp otırğan ata-analar da bar. 

«Balalarımız bärіn kördі. Men 8 ay boyına tölegen aqşamdı qaytarwın talap etemіn», - deydі tağı bіr ana Älïya Janalïeva.

Keybіr ata-analar büldіrşіnderіne jaña bіlіm berw mekemesіn іzdestіrwge kіrіstі.

Eske sala keteyіk, «Aynalayın» jekemenşіk balabaqşasınıñ tärbïeşіsі dïrektorı onı soqqığa jıqqanın mälіm etken bolatın. Oğan sebep, tärbïeşіnіñ mekemedegі «bılıqtardı» foto,vïdeoğa tüsіrіp älewmettіk jelіde jarïyalawı. Dïrektor jelіdegі ayıptawlarmen kelіspeydі. Quqıqqorğaw organdarı tergew şaraların bastadı. Mekeme qızmetіn waqıtşa toqtattı.

 

 

 

Avtor: Läylіm Älіm
Bastı sözder: Oqïğa, Aymaq, Mañğıstaw oblısı,
Joğarı qaray