Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

Aqsha salǵan sómkeni urlaǵan atyraýlyq ustaldy

2019 jyldyń 19 mamyr 2019 11:50

ATYRAÝ. QazAqparat - Ulttyq ulan jaýyngerleri Atyraýda kisi tonaýshynyń izin sýytpaı qolǵa túsirdi, dep habarlaıdy QazAqparat.

«Batys» óńirlik qolbasshylyǵynyń baspasóz qyzmetinen túsken málimetke qaraǵanda, oqıǵa 16 mamyr kúni saǵat 22.00 shamasynda boldy.

Úıine qaıtyp kele jatqan qyzǵa bireý shabýyl jasap, aqshasy men qujaty salynǵan sómkesin tartyp alyp ketken.

Bul kezde 5546-áskerı bólimniń jaýyngerleri el tynyshtyǵyn kúzetip júrgen-di. Sol mańda júrgen quramynda leıtenant Nursultan Júsip, qatardaǵy jaýyngerler Asylbek Spabek jáne Akbar Abdýllaev bar top tonaýshynyń izine túsedi. Kóp uzamaı-aq qashyp qutylmaq bolǵan jas jigitti qolǵa túsiredi.

Polıtsııa bólimine jetkizilgen kúdiktiden kýágerlerdiń kózinshe sómke tárkilendi. Onyń ishinde qujat, aqshadan basqa bank kartasy da bar eken. Sómke boıjetkenge qaıtaryldy.

Tez de batyl áreketteri úshin atalǵan jaýyngerler bólim komandırimen yntalandyryldy.

Eske sala keteıik, budan buryn Ulttyq ulan jaýyngerleriniń Atyraýda bekire tuqymdas balyqpen júk kóligin ustaǵanyn jazǵan bolatynbyz.

Avtor Eljan Eraly
Basty sózder: Qylmyspen kúres,
Joǵary qaraı