Aýa raıy
Astana -7 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

AQSh Memdepartamenti Nursultan Nazarbaevtyń óz ókilettigin toqtatýyna qatysty pikir bildirdi

2019 jyldyń 26 naýryz 2019 17:23

NUR-SULTAN. QazAqparat - Nursultan Nazarbaevtyń óńirlik jáne jahandyq aýqymda jaýapty basshy retinde kórsetken úlgisin moıyndaımyz. Bul týraly AQSh Memlekettik departamentiniń resmı ókiliniń orynbasary Robert Palladınonyń Nursultan Nazarbaevtyń Qazaqstan Respýblıkasynyń Prezıdenti ókilettigin toqtatýyna qatysty jasaǵan málimdemesinde aıtyldy.

«Qurama Shtattar Tuńǵysh Prezıdent Nursultan Nazarbaevtyń AQSh pen Qazaqstan arasynda tyǵyz ári qarqyndy qarym-qatynasty ornatýǵa jáne ony alǵa jyljytýǵa qosqan úlesin joǵary baǵalaıdy.

Qazaqstan úshin osy tarıhı sátte búgingi zamanaýı, egemendi jáne gúldengen Qazaqstannyń negizin qalaýshy retinde N.Á.Nazarbaevtyń róline qurmet bildiremiz jáne óńirlik, jahandyq aýqymda jaýapty basshy retinde kórsetken úlgisin moıyndaımyz», - delingen málimdemede.

«Biz sondaı-aq onyń ıadrolyq qarýdy taratpaý salasyndaǵy eleýli eńbegine jáne denýklearızatsııa boıynsha jahandyq kúsh-jigerdegi kóshbasshylyǵyna, bılikti beıbit jolmen tapsyrýdaǵy úlgi bolarlyq ustanymyna, sondaı-aq Qazaqstanda jáne bútin óńirde beıbitshilik pen gúldenýdi qamtamasyz etýge qosqan úlesine qoshemet bildiremiz.

Qazaqstanmen aradaǵy qarym-qatynasymyz gúldenýdiń ortaq ıdealdaryna, negizgi bostandyqtardy qurmetteýge jáne óńirlik qaýipsizdikke negizdelgen.

Qazaqstannyń jańa Prezıdenti Qasym-Jomart Toqaevty quttyqtaımyz jáne eki el arasyndaǵy keń strategııalyq áriptestikti tereńdetý, ekonomıkalyq damý, saýda jáne ınvestıtsııa salalarynda uzaqmerzimdi ózara múddelerimizdi alǵa jyljytý, sondaı-aq óńirlik jáne jahandyq qaýipsizdikti qamtamasyz etý boıynsha birlesken jumysymyz jalǵasatynyna úmit artamyz», - delingen qujatta.

Joǵary qaraı