Aýa raıy
Astana 6 °S
Almaty 8 °S
valıýta baǵamy
USD 389.98
EUR 434.01
RUB 6.10
CNY 55.04

Aqmolalyqtar jemqorlyq týraly onlaın rejimde habarlaı alady

2019 jyldyń 21 aqpan 2019 22:23

KÓKShETAÝ. QazAqparat - Aqmola oblysy boıynsha memlekettik qyzmet isteri jáne sybaılas jemqorlyqqa qarsy is-qımyl departamentiniń sybaılas jemqorlyqtyń aldyn alý basqarmasynyń basshysy Esbol Kenjalın jýrnalıstermen brıfıng ótkizip, 2018 jyly atqarylǵan jumystardyń qorytyndysy týraly aıtyp berdi, dep habarlaıdy QazAqparat tilshisi vedomstvonyń baspasóz qyzmetine qyzmetine silteme jasap.

Esbol Kenjalınniń aıtýynsha, ótken jyly oblys boıynsha barlyǵy 1,5 myńnan astam túrli formattaǵy is-shara ótkizilgen. Budan bólek brıfıngte óńirde júzege asyrylyp jatqan «Protecting business and investments», «Qoǵamdyq baqylaý kartasy», «Adal jol» jobalary, bilim salasyndaǵy «Adal urpaq», «Sanaly urpaq» klýbtary jáne adaldyq dúkenderiniń jumysy týraly aıtyldy.

«Jemqorlyqqa qarsy saıasatty júzege asyrýda qoǵam ókilderiniń róli zor. Biz arnaıy monıtorıngtik toptyń múmkindikterin keńinen paıdalanamyz. Toptyń quramyna qoǵam ishinde joǵary qurmetke ıe, ómirlik jáne kásibı tájirıbesi bar, belsendi azamattyq ustanym bar tulǵalar kiredi. 2018 jyly arnaıy monıtorıngtik toptyń on otyrysy ótkizilip, 26 suraq talqylandy. Qoǵamdyq baqylaýmen bilim, densaýlyq, kommýnaldyq qyzmetter, jolaýshylar tasymaly jáne basqa da salalar qamtyldy», - dedi óz sózinde Esbol Kenjalın.

Sonymen qatar, basqarma basshysy jemqorlyqtyń aldyn alýdaǵy buqaralyq aqparat quraldarynyń rólin de atap ótti. 2018 jyly buqaralyq aqparat quraldarynda eki jarym myńnan astam aqparat jarııalanypty. Buǵan qosa, sybaılas jemqorlyqqa qarsy is-qımyl Ulttyq bıýrosynyń departamentimen birlesip turaqty negizde jemqorlyq táýekelderin taldaý, eńbek ujymdarymen kezdesýler ótkizilip turady. Ótken jyly 13 memlekettik organdar men uıymdarda jemqorlyq táýekelderine syrtqy taldaý júrgizilip, olardyń nátıjeleri boıynsha 76 usynys engizilgen.

Zańsyz materıaldyq syıaqy bergeni úshin jazanyń qoldanylmaı qalmaıtyndyǵy búgingi tańda tolyq negizde iske asyrylyp keletin «bir para - eki qylmysker» ustanymyna negizdeledi. Osylaısha, ótken jyly zańsyz materıaldyq syıaqy bergeni úshin 3 jeke tulǵa jalpy sommasy 962 myń teńge ákimshilik jaýapkershilikke tartylǵan.

Joǵary qaraı