Awa rayı
Astana 4 °S
Almatı 17 °S
valyuta bağamı
USD 378.17
EUR 429.11
RUB 5.88
CNY 56.48

Aqmolalıqtar jemqorlıq twralı onlayn rejіmde xabarlay aladı

2019 jıldıñ 21 aqpan 2019 22:23 419

KÖKŞETAW. QazAqparat - Aqmola oblısı boyınşa memlekettіk qızmet іsterі jäne sıbaylas jemqorlıqqa qarsı іs-qïmıl departamentіnіñ sıbaylas jemqorlıqtıñ aldın alw basqarmasınıñ basşısı Esbol Kenjalïn jwrnalïstermen brïfïng ötkіzіp, 2018 jılı atqarılğan jumıstardıñ qorıtındısı twralı aytıp berdі, dep xabarlaydı QazAqparat tіlşіsі vedomstvonıñ baspasöz qızmetіne qızmetіne sіlteme jasap.

Esbol Kenjalïnnіñ  aytwınşa, ötken jılı oblıs boyınşa barlığı 1,5 mıñnan astam türlі formattağı іs-şara ötkіzіlgen. Budan bölek brïfïngte öñіrde jüzege asırılıp jatqan «Protecting business and investments», «Qoğamdıq baqılaw kartası», «Adal jol» jobaları, bіlіm salasındağı «Adal urpaq», «Sanalı urpaq» klwbtarı jäne adaldıq dükenderіnіñ jumısı twralı aytıldı.

«Jemqorlıqqa qarsı sayasattı jüzege asırwda qoğam ökіlderіnіñ rölі zor. Bіz arnayı monïtorïngtіk toptıñ mümkіndіkterіn keñіnen paydalanamız. Toptıñ quramına qoğam іşіnde joğarı qurmetke ïe, ömіrlіk jäne käsіbï täjіrïbesі bar, belsendі azamattıq ustanım bar tulğalar kіredі. 2018 jılı arnayı monïtorïngtіk toptıñ on otırısı ötkіzіlіp, 26 suraq talqılandı. Qoğamdıq baqılawmen bіlіm, densawlıq, kommwnaldıq qızmetter, jolawşılar tasımalı jäne basqa da salalar qamtıldı», - dedі öz sözіnde Esbol Kenjalïn.

Sonımen qatar, basqarma basşısı jemqorlıqtıñ aldın alwdağı buqaralıq aqparat quraldarınıñ rölіn de atap öttі. 2018 jılı buqaralıq aqparat quraldarında ekі jarım mıñnan astam aqparat jarïyalanıptı. Buğan qosa, sıbaylas jemqorlıqqa qarsı іs-qïmıl Ulttıq byurosınıñ departamentіmen bіrlesіp turaqtı negіzde jemqorlıq täwekelderіn taldaw, eñbek ujımdarımen kezdeswler ötkіzіlіp turadı. Ötken jılı 13 memlekettіk organdar men uyımdarda jemqorlıq täwekelderіne sırtqı taldaw jürgіzіlіp, olardıñ nätïjelerі boyınşa 76 usınıs engіzіlgen.

Zañsız materïaldıq sıyaqı bergenі üşіn jazanıñ qoldanılmay qalmaytındığı bügіngі tañda tolıq negіzde іske asırılıp keletіn «bіr para - ekі qılmısker» ustanımına negіzdeledі. Osılayşa, ötken jılı zañsız materïaldıq sıyaqı bergenі üşіn 3 jeke tulğa jalpı somması 962 mıñ teñge äkіmşіlіk jawapkerşіlіkke tartılğan. 

 

 

Joğarı qaray