Aýa raıy
Astana -4 °S
Almaty 10 °S
valıýta baǵamy
USD 389.34
EUR 428.78
RUB 6.05
CNY 55.45

Aqmolada bir úıde eki adam ystan ýlanyp, kóz jumdy

2019 jyldyń 21 qazan 2019 11:20

KÓKShETAÝ. QazAqparat - Aqmola oblysynyń Bulandy aýdanynda 22 jastaǵy kelinshek pen 11 jastaǵy qyz bala ystan ýlanyp kóz jumdy, dep habarlaıdy QazAqparat tilshisi aımaqtyq TJD baspasóz qyzmetine silteme jasap.

Vedomstvonyń málimetinshe, oqıǵa qazannyń 19-ynda keshki saǵat 18:09 shamasynda Makınsk qalasy Ekinshi stantsıonnyı kóshesiniń qıylysyndaǵy jeke turǵyn úıde boldy.

«Atalǵan mekenjaıǵa TJD jeke quramynan 1 qyzmetker jáne 1 tehnıka, aýdandyq PB kezekshi jedel tergeý tobynyń 4 qyzmetkeri men 2 tehnıkasy bardy. Oqıǵa ornynan 1997 jylǵy O.V.Anohına men 2008 jylǵy A.S.Savelevanyń denesi tabyldy. Anyqtalǵandaı, ekeýi de peshten shyqqan ystan ýlanyp qalǵan», - deıdi vedomstvonyń baspasóz qyzmetindegiler.

Aldyn ala málimetter boıynsha, kóz jumǵan kelinshek úıdi jaldap turǵan. Qazirgi kezde oqıǵanyń mán-jaıy anyqtalý ústinde.

Joǵary qaraı