Aýa raıy
Astana 19 °S
Almaty 15 °S
valıýta baǵamy
USD 386.82
EUR 428.67
RUB 5.86
CNY 54.95

Aqmolada bir táýliktiń ishinde 14 bas mal tabylyp, ıelerine qaıtaryldy

2019 jyldyń 21 aqpan 2019 14:39 737

KÓKShETAÝ. QazAqparat  - Aqmola oblysynda qolǵa alynǵan «Mal urlyǵy» jedel alyn alý sharasynyń alǵashqy kúni 14 bas mal tabylyp, ıelerine qaıtaryldy, dep habarlaıdy QazAqparat tilshisi oblystyq PD baspasóz qyzmetirne silteme jasap.

Vedomstvonyń málimeti boıynsha, aqpannyń 20-nan bastap oblys aýmaǵynda «Mal urlyǵy» jedel alyn alý sharasy ótýde. Shara aıasynda polıtseıler mal urlyǵyn anyqtaý jáne aldyn alý boıynsha, sondaı-aq, qujattasyz mal tasymaldaýdyń jol kesý baǵytynda arnaıy sharalardy júzege asyrýda.

Oblystaǵy avtojoldardyń boıynda qosymsha 35-ten astam mobıldi top ornalastyryldy. Sharanyń alǵashqy kúni mal jáne et ónimderin tasymaldaǵan 40-tan astam avtokólik tekserilip, onyń 5-eýiniń qujattary bolmaı shyqty.

Sonymen qatar, shara sheńberinde shaǵyn bazarlar, et kombınaty jáne shujyq tsehtary tekserildi. Mal urlyǵy kóp oryn alatyn eldimekender men qala jáne aýdan ortalyqtaryna kire beris joldarda patrýldik baqylaý júrgizildi.

Nátıjesinde 14 bas mal tabylyp, ıelerine qaıtaryldy. «Mal urlyǵy» jedel alyn alý sharasynyń alǵashqy kúni mal urlyǵyna qatysty 8 qylmys ashylsa, onyń 6 buryn jasalǵan. Bul qylmystarǵa qatysy bar 5 adam ustaldy.

«Mal urlyǵyna qatysty qylmysty ashýdan bólek, jeke kásipkerlermen jáne sharýa qojalyqtarymen jumys júrgizilip, mal joǵalǵan kezde jedel polıtsııaǵa habar berý týraly aýqymdy aldyn alý jumystary júrgizildi», - deıdi Aqmola oblystyq PD KPB bóliminiń jedel ýákili, polıtsııa kapıtany Danııar Qusamanov. 

Foto: fermer.ru

Avtor Aslan Ospanov
Basty sózder: Aqmola oblysy, Qylmyspen kúres, Zań,
Joǵary qaraı