Aýa raıy
Astana 7 °S
Almaty 15 °S
valıýta baǵamy
USD 389.59
EUR 429.06
RUB 6.05
CNY 55.07

Aqmola oblysynda estafeta kezinde mektep oqýshysy kóz jumdy

2019 jyldyń 20 mamyr 2019 23:24

KÓKShETAÝ. QazAqparat - Aqmola oblysynda áskerı-sporttyq oıyndar boıynsha jarys kezinde 15 jastaǵy oqýshy kóz jumdy, dep habarlaıdy QazAqparat tilshisi.

Aqmola oblystyq Bilim basqarmasynyń málimetinshe, oqıǵa 17 mamyr kúni saǵat 12:30-da Býrabaıdaǵy «Zvezdnyı» balalardy saýyqtyrý ortalyǵynda «Alaý» oblystyq áskerı-sporttyq oıyndar estafetasyn ótkizý kezinde bolǵan.

«Estafeta kezinde Kókshetaý qalalyq №4 orta mektebiniń 9-synyp oqýshysy márege jetpeı esinen tanyp qulady. 2003 jylǵy jasóspirimge birden alǵashqy medıtsınalyq kómek kórsetildi. Keıin ýchınsk qalasyndaǵy aýdandyq aýrýhanaǵa jetkizildi. Ol aýrýhanada es jımastan saǵat 13:01-de qaıtys boldy», - dedi óńirdiń Bilim basqarmasynan.

Qazirgi kezde, oqıǵaǵa baılanysty Kókshetaý qalalyq bilim bólimi tekseris júrgizýde. Sonymen qatar, quqyqqorǵaý organdary tarapynan da tergeý sharalary qolǵa alyndy.

Avtor Aslan Ospanov
Basty sózder: Qoǵam, Oqıǵa, Aqmola oblysy, Aımaq,
Joǵary qaraı